гаргах шинэ Төрийн бодлогын байнгын хороог батлах юм. Хорооны гишүүдийг 11 цагт олон нийтийн өмнө гарч ирж, мэдэгдэл хийхээр төлөвлөөд байна.

Дэд ерөнхийлөгч Ши Жинпин одоогийн удирдагч Ху Жинтаогийн орыг залгамжилж, намын дарга болох юм. Түүнчлэн төрийн нарийн бичгийн даргын орлогч Ли Кишанг мөн төрийн дээд албан тушаалд томилогдож байгаа билээ. Харин хорооны бусад суудалд хэн сонгогдсон нь, үнэндээ хичнээн суудалд хүн томилох нь ч хараахан тодроогүй байгаа аж. Гэвч сүүлийн хэдэн сард олон нийтийн дунд хорооны есөн гишүүнийг долоо болгон цөөлөх талаар яригдаад байсан юм.

Эх сурвалжуудын мэдээлж буйгаар эдгээр суудалд төрийн нарийн бичгийн даргын орлогч Ван Кишан, суртал нэвтрүүлгийн дарга Лью Юншан, намын зохион байгуулалтын дарга Ли Юанчао, Тьянжин намын дарга Жан Гаоли болон төрийн нарийн бичгийн даргын орлогч Жан Дижиан нар сонгогдох магадлалтай байгаа ажээ.

Мөн тэдэнтэй Гуандон намын дарга Ван Янг, Шанхайн намын дарга Юу Женшен болон улс төрийн бодлогын цор ганц эмэгтэй гишүүн болох Лью Яндонг нар өрсөлдөж байгаа билээ.

Гэхдээ Төв хорооны төлөөлөгчид Лхагва гаригт их хурал хаахаас өмнө Байнгын хорооны гишүүдийг хэдийнэ сонгочихсон, одоо олон нийтэд зарлахаар хүлээгдэж байгаа талаар дэлхийн хэвлэл мэдээллийн агентлагууд мэдээлж байна.

Оллоо.мн