Тэдний олонхи нь согтууруулах ундаа хэтрүүлэн хэрэглэсэн хүмүүс байдаг аж. Хөвсгөл аймгийн Төмөр булаг сумын төвөөс 20км зайд орших Бадаг гэх газар тус суманд оршин суудаг 49 настай эмэгтэй У нь осгож нас баржээ. Уг хэргийг одоогоор цагдаагийн байгууллага шалгаж байгаа аж. Түүнчлэн хулгайн гэмт хэрэг газар авсаар байна.

Иргэд анхаарал болгоомжгүйгээсээ болж хулгайд эд зүйлээ алдах нь ихэсчээ. Баянгол дүүргийн XҮII хороонд иргэн 27 настай Д-гийн албаны өрөөнөөс компьютер, зургийн аппарат хулгайд алдагдсан байна. Орон байрны хулгайн гэмт хэрэг газар авах болсонтой холбогдуулан ард иргэдийг сонор сэрэмжтэй байж хулгайд эд зүйлээ алдахаас сэрэмжлэхийг цагдаагийн газраас анхааруулж байна.

Г.Ууганзаяа