Өдгөө Улаанбаатар чуулгыг толгойлж буй тэрбээр дуурийн урлагт насаараа зүтгэсээр байгаад нэг ч цомог, нэг ч клипгүй үлдсэн хүн хэмээн уран бүтээлч нөхөд нь хошигнодог юм билээ. Гэхдээ дүрсжүүлээгүй ч түүний дуулсан дуу ард түмний сонорт хүрч сэтгэлд хоногшиж чаддаг.

Тэрбээр хувийн уран бүтээл гэхээсээ илүүтэй чуулгынхаа ажилд илүү анхаарал хандуулдаг болсон. Сүүлийн үед сайн үйлсийн аян зохион байгуулж хүүхэд, хөгшдийн асрах газар, эрх нь хязгаарлагдсан эмэгтэйчүүдийн хорих зэрэгт ойр ойрхон очиж уран бүтээлээ толилуулан сэтгэлийн өргөл барьж явдаг болжээ.

О.Сайхан