Гэвч даян аварга зүлэг ногоон дэвжээнээ эргэн зодоглож магадгүй тухай улсын харцага Г.Ганхуяг дурдсан байна. Бөхийн холбооны удирдлага өөрчлөгдвөл А.Сүхбат аварга дахин барилдана гэнэ шүү. Бөх барилдах урлагийг үзүүлмээр байна гэж Төв аймгийн Сэргэлэнгийн уугуул аварга өгүүлсэн гэнэ.

Улсын арслан Х.Мөнхбаатарыг допинг хэрэглэсэн хэмээн зарласнаас хойш үндэсний бөхийн орчинд томоохон дуулиан дэгдээд буй билээ.

Үндэсний бөхийн холбооны тэргүүн Р.Нямдорж допинг хэрэглэсэн хоёр бөхийн нэрийг зарлах үеэр Х.Мөнхбаатар арслан хариу мэдэгдэл хийж, Говь-Алтайн Чандманиас гаралтай Р.Нямдоржийг бага хүү Н.Ганбаатарыгаа долоо давуулж, заан цолд хүргэхийн тулд өөрт нь 70 сая төгрөг санал болгосон тухай Хөвсгөлийн арслан ярьсан. Улмаар Х.Мөнхбаатар допинг хэрэглээгүй, харин гэмтэлдээ Чилийсэн палийсан уусан гэж мэдүүлсэн бол Р.Нямдорж хэзээ ч хүүгээ цолд хүргэхийн тулд мөнгө хэнд ч амлахгүй гэж хариу мэдэгдсэн билээ.

Ийнхүү эдүгээ цагийн толгой бөхчүүдийнхээ нэгтэй зөрчилдсөн бөхийн холбооны тэргүүний суудал ганхаж эхэлсэн гэж бөхийн хүрээнийхэн ярих болоод байгаа. Энэ үед цагтаа Р.Нямдоржтой таарамжгүй харилцаатай байж, удалгүй зодог тайлсан А.Сүхбат аварга ч хэрэг явдалд ивээс болж буй бололтой. Бөхийн холбоог халаагүй 20 гаруй жил удирдаж буй Р.Нямдорж огцорвол А.Сүхбат аварга дэвжээнээ эргэн ирэх магадлал бага ч гэсэн нэмэгдэх шинжтэй.