орой цагдаа нар хотын төв зам дээр хэд хэдэн жолоочийг зогсоож, согтууруулах ундаа хэрэглэсэн эсэхийг нь шалгах үед нэг жолооч машиндаа суун зугтахыг оролджээ. Улмаар тэрхүү жолооч цагдаагийн машинаас зугтаж явахдаа гурван мотоцикл, нэг машин мөргөж таван хүнийг гэмтээсэн байна. Түргэн тусламж, цагдаагийнхан дуудлага өгснөөс хойш бараг нэг цагийн дараа хэргийн газар ирсэн нь хүмүүсийг бухимдуулсан бөгөөд тэнд цугласан 2000 гаруй хүн үймээн дэгдээж цагдаагийн машинуудыг эвдэн өнхрүүлжээ.

Фуань хотын намын хорооны үзэл суртлын хэлтэс цагдаа, түргэнийхэн хэргийн газар удаж ирсэн гэх мэдээллийг үгүйсгээд танхай этгээдүүд болсон явдлын үнэн худлыг мэдэхгүй хүмүүсийг төөрөлдүүлж турхирснаар цагдаагийн машинд халдсан явдал гарсан гэжээ. Гэвч гэрчүүдийн хэлж байгаагаар осол гаргасан жолооч эрхийн үнэмлэхгүй байсан боловч машины дугаараа цагдаа нарт авлига өгч авснаа хэлсэн нь, цагдаагийнхны авлигыг эсэргүүцдэг олны бухимдалд тос нэмсэн бололтой.

Хонконгод төвтэй Хүний эрх, ардчиллын төвийн мэдээлснээр, үймээнд 10 мянган гаруй хүн оролцож, цагдаагийн 10 машиныг эвдэн гурвыг нь өнхрүүлжээ. Мөн 20 гаруй хүн гэмтсэн гэнэ.