Хэргийг удахгүй шүүхэд шилжүүлэх бөгөөд 20-25 жилийн хорих ял төлөвлөжээ. Ч.Баттуул нь өнгөрсөн хоёрдугаар сарын 5-нд Төв аймгийн Эрдэнэ сумын нутаг Цонжин болдгийн ойролцоо АНУ-ын иргэн, өөрийнхөө англи хэлний багш Жон Мартинийг Монголын үзэсгэлэнт газар үзүүлнэ гэж авч яваад хээр аваачин зургаан удаа буудаж хөнөөгөөд, хоёр найзтайгаа хамтарч цогцсыг нь цасанд булсан хэрэг үйлдсэнийг цагдаагийнхан илрүүлсэн юм.

Тэрбээр цагдаад өгсөн мэдүүлгээсээ хэд хэдэн удаа буцсаны дараа Надад мөнгө хэрэгтэй болоод түүний авчирсан 10 мянган ам.долларыг авахын тулд амийг нь хөнөөсөн гэж хэргээ хүлээсэн байдаг. Ч.Баттуулын үйлдсэн хэрэг нь Төв аймагт болсон учир шүүх хурал нь тэнд болж магадгүй. Эсвэл харьяалал тогтоож нийслэлийн аль нэг дүүргийн шүүхэд очиж магадгүй гэдгийг албаны эх сурвалж хэлэв.

О.Сайхан