2012 оны 11 дүгээр сарын 21-ний 08 цагаас 20 цаг хүртэлх

цаг агаарын урьдчилсан мэдээ

Үүлэрхэг. Зарим газраар цас орно. Салхи говь болон зүүн зүгийн нутгаар баруун өмнөөс, бусад нутгаар баруун хойноос секундэд 5-10 метр, говь талын нутгаар секундэд 12-14 метр хүрч зөөлөн цасан шуурга шуурна. Хүйтэрч Алтай, Хангай, Хөвсгөл, Хэнтэйн уулархаг нутаг, Идэр, Тэс, Хараа, Ерөө, Туул голын сав газраар 14-19 градус, Алтайн өвөр говь болон говийн нутгийн өмнөд хэсгээр 1-6 градус, бусад нутгаар 7-12 градус хүйтэн байна.

УЛААНБААТАР ХОТ Үүлэрхэг. Бага зэргийн цас орно. Салхи баруун хойноос секундэд 5-10 метр, зөөлөн цасан шуурга шуурна. Хүйтэрч 8-10 градус хүйтэн байна.

Өглөө 05 цагт Улаанбаатарт 13 градус хүйтэн, харьцангуй чийг 71 хувь, агаарын даралт 870 гектопаскаль байлаа. Даралт өдөртөө тогтвортой байна.

Хоногийн цаг агаарын урьдчилсан мэдээ

Малчид, ард иргэдийн анхааралд

Шөнөдөө нутгийн баруун хэсгээр, өдөртөө ихэнх нутгаар, ялангуяа Алтай, Хангайн уулсаар ахиухан цас орж, цасан шуурга шуурч, хүйтрэхийг анхааруулж байна.

2012 оны 11 дүгээр сарын 20-ны 20 цагаас 11 дүгээр сарын 21-ний 20 цаг

хүртэлх цаг агаарын урьдчилсан мэдээ

БАРУУН АЙМГУУДЫН НУТГААР Үүлэрхэг. Шөнөдөө ихэнх нутгаар, өдөртөө зарим газраар цас орно. Салхи баруун хойноос секундэд 7-12 метр, цасан шуурга шуурна. Хүйтэрч Алтай, Хангайн уулархаг нутаг, Идэр, Тэс голын сав газраар шөнөдөө 22-27 градус, өдөртөө 14-19 градус, Алтайн өвөр говиор шөнөдөө 3-8 градус, өдөртөө 0-5 градус, бусад нутгаар шөнөдөө 14-19 градус, өдөртөө 6-11 градус хүйтэн байна.

ТӨВИЙН АЙМГУУДЫН НУТГААР Үүлэрхэг. Зарим газраар цас орж, цасан шуурга шуурна. Салхи баруун өмнөөс хойш секундэд 7-12 метр. Хүйтэрч Дархадын хотгор, Хараа, Ерөө, Туул голын сав газраар шөнөдөө 20-25 градус, өдөртөө 12-17 градус, бусад нутгаар шөнөдөө 11-16 градус, өдөртөө 7-12 градус хүйтэн байна.

ЗҮҮН АЙМГУУДЫН НУТГААР Үүлэрхэг. Шөнөдөө цас орохгүй, өдөртөө зарим газраар бага зэргийн цас орно. Салхи баруун өмнөөс секундэд 6-11 метр. Шөнөдөө Хэрлэн, Онон, Улз голын саваар 17-22 градус, бусад нутгаар 12-17 градус, өдөртөө хүйтэрч бүх нутгаар 5-10 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР Үүлшинэ. Бага зэргийн цас орно. Салхи баруун хойноос секундэд 5-10 метр. Шөнөдөө 15-17, өдөртөө 4-6 градус хүйтэн байна.

ГОВИЙН АЙМГУУДЫН НУТГААР Үүлшинэ. Шөнөдөө нутгийн хойд хэсгээр, өдөртөө зарим газраар бага зэргийн цас орно. Салхи баруун өмнөөс секундэд 5-10 метр, өдөртөө зарим газраар секундэд 12-14 метр хүрч цасан шуурга шуурна. Шөнөдөө Өмнөговийн нутгаар 6-11 градус хүйтэн, бусад нутгаар 11-16 градус, өдөртөө хүйтэрч бүх нутгаар 1-6 градус хүйтэн байна.

УЛААНБААТАР ХОТ Үүлшинэ. Бага зэргийн цас орно. Салхи баруун өмнөөс хойш эргэж секундэд 6-11 метр, цасан шуурга шуурна. Шөнөдөө 12-14 градус, Яармаг-Сонгины орчмоор 20-22 градус, өдөртөө хүйтэрч 8-10 градус хүйтэн байна.

2012 оны 11 дүгээр сарын 22-ноос 11 дүгээр сарын 26-ныг хүртэлх

цаг агаарын урьдчилсан төлөв

22-нд нутгийн зүүн өмнөд, 23-нд баруун зүгийн нутгийн хойд хэсгээр, 24-нд төв, зүүн зүгийн нутгийн зарим газраар бага зэргийн цас орно. Салхи 23-нд баруун зүгийн нутгаар, 24-нд зарим газраар секундэд 12-14 метр хүрч цасан шуурга шуурна. Ихэнх хугацаанд Дархадын хотгор, Хүрэн бэлчир, Идэр, Тэс, Отгон, Хараа, Ерөө, Туул голын сав газраар шөнөдөө 23-28 градус, өдөртөө 13-18 градус, говийн бүсийн нутгаар шөнөдөө 10-15 градус, өдөртөө 0-5 градус, бусад нутгаар шөнөдөө 17-22 градус, өдөртөө 5-10 градус хүйтэн байна.