орнуудад энэ өдрүүдэд байгаль дэлхийгээ хайрлан хамгаалах усыг ариг гамтай хэрэглэх, цаг уурын өөрчлөлтийн эсрэг янз бүрийн арга хэмжээг зохион байгуулдаг уламжлалтай.

Тэгвэл энэ өдрүүдийг тохиолдуулан Цаг уур орчны шинжилгээний газраас эрдэм шинжилгээний бага хурлыг маргааш зохион байгуулах гэж байна.

Дэлхийн болон Монголын ус, цаг уурын өдөр, Монгол улс Дэлхийн цаг уурын байгууллагад гишүүнээр элссэний 50 жилийн ойд зориулсан уг хурлаар эрдэмтэн судлаачид илтгэл лекцээ унших бөгөөд УЦУА-ны Гадаад харилцааны хэлтсийн дарга асан Г.Дэмбэрэлдорж Цаг уурын гадаад харилцаа сэдвээр, УЦУОХ-ийн захирал, доктор Г.Сарантуяа Хүний амь нас, эд агуурсыг хамгаалахад цаг агаарын ажиглалтын үүрэг-Дэлхийн цаг агаарын албаны 50 жилийн ой сэдвээр илтгэл тавих гэнэ.

Мөн Усны хамтын ажиллагааны олон улсын жил сэдвээр УЦУОХ-ийн ус судлалын секторын эрхлэгч, доктор Г.Даваа, УЦУОХ-ийн 2012 оны шилдэг бүтээл Нейроны сүлжээ болон Калманы шүүлтүүрийн аргаар хот суурингийн цаг агаарыг урьдчилан тооцоолох нь сэдвээр УЦУОХ-гийн ТПУАӨСС-ын эрхлэгч, доктор Л.Оюунжаргал, УЦУОХ-ийн 2012 оны шилдэг эрдэм шинжилгээний өгүүлэл Монгол орны нутгийн зүүн хэсэгт ажиглагдсан цаг агаарын гамшигт үзэгдлийн эрч хүчийг тоон загвараар тооцоолсон нь сэдвээр УЦУОХ-гийн ТПУАӨСС-ын ЭШАА, доктор А.Батболд нар илтгэл тавихаар бэлджээ.

Харин хурлын төгсгөлд эрдэмтэн докторуудад шагнал гардуулах ёслолын ажиллагаа болох юм байна.

Г.Уянга

Оллоо.мн