мэргэжилтэн Н. Лхамсүрэн, Увс нуурын ДЦГ-ын байгаль хамгаалагч М. Баярсайхан, Увс нуурын ДЦГ-ын Тэсийн хэсгийн байгаль хамгаалагч Б. Ганбат нарын бүрэлдэхүүнтэй баг Увс аймгийн Тэс сум, Тэсийн голийн нөөц газарт ажиллаж минжний судалгааг хийжээ. Судалгаанд орон нутгаас Таван улиасны байгаль хамгаалагч Б. Готов, идэвхтэн байгаль хамгаалагчид хамтран оролцсон байна. Төв азийн минж нь Монголын ховор амьтны нэг төдийгүй, дэлхийн биологийн олон янз байдлын үнэт өв санд багтдаг.

Тэсийн голд 1974-2000 онуудад нийт 37 минж нутагшуулсан бөгөөд эхний судалгаагаар Тэсийн голын нөөц газрын орчимд 4 бүл минж байгааг тогтоожээ.

Тэд судалгааны явцад Тэс сумын 8-р багийн нутаг дэвсгэр Хар ус гэдэг газар минжний шинж тэмдэг, жим, ялгадас, цам уур цохисон нүх, үүр зэргийг олж харсан ба фото зургаар баримтжуулсан байна. Мөн Усны булга их хэмжээгээр өссөн байна. Минж байж болзошгүй газруудаар явган, мориор явж идэш тэжээлийн байдал, оромж зэргийг харсан ба шинэхэн мэрсэн моднууд их хэмжээгээр байжээ.

Минж нь тодорхой шалтгаанаар байршлаа хурдан сольдог нь ажиглагдсан талаар судалгаанд оролцогчид ярьв. Мөн Тэсийн голын нөөц газарт бор гөрөөс, зэрлэг гахай, булга, ойн солонго, эрээн хүрэн, шилүүс зэрэг амьтадтай таарч байсан гэнэ.

Г.Уянга

Оллоо.мн