үзэсгэлэнг БХБЯ, НЗДТГ-аас санаачилж, Координт центр зохион байгуулж байгаа аж.Зохион байгуу­ла­г­­чдын хэлснээр үзэс­­гэлэнд метр.кв нь 1-2 сая төг­рөгийн үнэ бү­хий шинэ орон суу­ц­нуудыг танил­цуулах юм байна. Өөр­өөр хэл­бэл, 40 гаруй комп­а­нийн 50 орон суу­цыг танилц­уулах бөг­өөд бүгд дээр дурдсан үнэтэй байна гэд­г­ийг зох­ион байгуу­лагчид онцол­сон юм. Үү­нээс хар­ахад, бар­илгын сал­барт үн­ийг хөө­рөгдөл тэгтэл газар ав­аагүй мэт санаг­дав.

Улаанбаатар хо­тод ба­р­иг­даж буй орон сууц­­нуудыг стандарт, дун­даж, биз­нес, дээд гэсэн дөрвөн ан­гилалд хуваадаг юм байна.БХБЯ-ны мэдээ­л­­снээр, өнөө­­д­рийн бай­­д­лаар стан­­дарт ангил­­лын ши­нэ орон сууцны үнэ метр.кв нь дунджаар нэг сая 320 мянган төгрөгийн үнэтэй байгаа гэсэн. Харин дундаж орон сууц нэг сая 840 мянга, бизнес нь хоёр сая 960 мянга, дээд нь дөрвөн сая 271 мянган төгрөгийн ханштай байгаа аж.

Гэтэл стандарт буюу бага, дунд орлоготой иргэдэд зориулсан орон сууц­нууд ихэнхдээ хотын захад, гэр хороолол дунд байршилтай бөгөөд чанарын хувьд тийм ч сайн­гүй гэд­гийг мэргэжил­тнүүд хэлдэг. Гэхдээ судал­гааны компа­ниуд ихэнх­дээ өндөр болон бизнес зэрэглэлийн барилгын үнийг ажилдаа ашигладаг нь ханш хөөрөгдөх шалтгаануудын нэг болдог юм байна.Түүнчлэн төрөөс орон сууцны үнийг бодитоор бууруулах ямар нэг арга хэмжээ аваагүй хэрнээ төсөл, хөтөлбөр хэрэгжүүлж буй талаараа байнга мэдээлдэг нь үнийн өсөлтийг хурдасгасан.

Тухайлбал, 2012 оны эхээр 100 мянган айлын орон сууц хөтөлбөрийн дагуу иргэдэд жилийн зургаан хувийн хүүтэй зээл олгоно гэсэн яриатай зэрэгцэн орон сууцны үнэ 30 хувиар өсчээУчир нь, тэр үед орон сууц­ны эрэлт нийлүүлэл­тээсээ давсан бөгөөд болом­­жийн үнийн сургаар хүн бүр зээл хөөцөлдөж эхэлсэн гэхэд болно. Харамсалтай нь, үүнээс болж үнийн өсөлт дийл­дэхээ больсон. Хамгийн сүүлд хийсэн судал­гаагаар Улаанбаатарт орон сууцны үнэ сард 2.5 хувиар тогтмол өсч байгаа гэх дүгнэлт гаргажээ. Харин жилийн өсөлт 11 хувиас ер буурахгүй байгаа нь 100 мянган айлын орон сууц хөтөл­бөр хэв­ийн үргэлж­лэхийг хүлээсэн иргэд­ийн эрэл­т­тэй хол­боотой аж.

Гэхдээ Шударга өрсөл­дөөн, хэрэг­лэг­чийн төлөө газ­раас байрны үнийг тогтвор­жуулж, нэг метр.кв-ыг нь нэг сая төгрөгөөр худал­даж авах боломжтой бол­гоно хэм­ээн мэдэгдсэн. Одоо­гоор ШӨХТГ, ОССК хамтран хямд өртгөөр иргэдээ орон сууц­жуулахаар ажиллаж байгаа. Гурван сарын хугацаанд хамтарсан судалгаа хийсний дүнд орон суу­цны нэг­жийн үн­ийг нэг сая төг­рөгт багтаах болом­жтой гэх дүгнэлт гарсан. Түүн­члэн барил­гын компа­н­иуд хан­шийг нэг сая төг­рөгт барьж, орон сууц барих боломжтой гэдгээ илэрхийлсэн гэх юм билээ.