улсын үзлэгийг удирдан зохион байгуулах ажлыг 14 яам, 3 агентлаг дээр зохион байгуулж, үндэсний стандартчиллын техникийн хорооны гишүүд, стандартын шинжээчид, яам, агентлаг, хяналтын болон салбарын эрдэм шинжилгээний байгууллага, хувийн хэвшил, төрийн бус байгууллагын төлөөллийг оролцуулсан 52 салбар комисс, 600 гаруй мэргэжилтнүүд ажиллаж дүнгээ гаргасан байна.

Стандартын үзлэгт Монгол Улсын хэмжээнд мөрдөгдөж байгаа нийт 6200 гаруй стандарт хамрагдсан бөгөөд эдгээрээс стандартын төрлөөр нь авч үзвэл бүтээгдэхүүний 1192, шинжлэх турших аргын 1458, нэр томьёоны 245, бусад 684 стандарт хамрагджээ.

Үзлэгт хамрагдсан нийт стандартын 44,5 хувь буюу 2762 стандартын шинжлэх ухаан техникийн өнөөгийн түвшин олон улс, бүс нутаг, гадаад орны түвшинд хүрсэн бөгөөд эдгээрээс 1135 стандарт буюу нийт стандартын 18,3 хувь нь олон улсын стандартын, 97 стандарт буюу 1,6 хувь нь бүс нутгийн, 910 буюу 14,7 хувь нь гадаад орны түвшинд хүрсэн байна.

Үзлэгийн дүнд стандартын үзүүлэлт, шаардлагыг дээшлүүлэх, стандартчиллын ажлын хэтийн чиглэлийг тодорхойлох зорилгоор одоо мөрдөж буй 256 стандартыг хүчингүй болгох, 1821 стандартыг дахин хянаж шинэчлэх, 2384 стандартыг шинээр боловсруулах шаардлагатай болжээ.

С.Саранзаяа

Оллоо.мн