төрөлхтнийг 2045 он гэхэд үхэшгүй мөнх болгох юм байна. Энэ талаар Америкийн CNBC сувгаар мэдээллээ.

Энэ бүхэн хачирхалтай, уран зөгнөлт зохиол мэт санагдаж болох юм. Гэхдээ 32 настай Дмитрий Ицков хүмүүсийг 200-300 жил, цаашлаад мөнх амьдруулах технологи боловсруулах суу­рийг тавьснаар их хэм­жээний мөнгө олно гэж найджээ.

Шинэ төслийн гол санаа нь хиймэл бие, эсвэл аватар (робот хүн) бүтээж, хүний тархи, ухамсрыг түүнд суул­гах аж. Санаачилга 2045 гэх ашгийн төлөө бус байгууллагыг үндэслэсэн Ицков өнгөрсөн жил Фор­бес-ийн жагсаалтад багтсан тэрбумтнуудад хан­даж, хиймэл бие, робо­тын төслийн судалгааг санхүү­жүүлэн, хүмүүст мөнхийн амьдрал бэлэг­лэхийг уриалсан.

Хэдийгээр тэр нэг ч нааштай хариу сонсоогүй ч дэлхий дахины анхаарлыг өөртөө татаж чаджээ. Энэ талаараа Ицков Олон ний­тийн анхаарлыг татна гэдэг бидний гол зорилго гэсэн аж. Тэрбээр энэ зун зөвхөн тэрбумтнуудад тө­дийгүй дэлхий ихэнх бизнес нийгэмлэгүүдэд хан­дахаар төлөвлөсөн байна.

Мөн ирэх зургаадугаар сард Дэлхийн ирээдүй-2045 олон улсын хоёр дахь конгрессийг зохион байгуулахаар болжээ. Уг хурлаар нэрт эрдэмтэн, инженер, үйлдвэрлэгчид хү­ний насыг уртасгах шинэ тех­­нологийн талаар хэлэл­цэх юм байна.

Зарим хүн Ицковын энэ төслийг шүүмжилж, үл итгэж байгаа ч тэрбээр хүн төрөлхтнийг мөхөөхгүйн тулд хувьсал өөрчлөлт хэрэгтэй гэж үзжээ. Ицков Хүмүүс төслийн гол зо­рилгыг ойлгодоггүй. Бид шинэ сэтгэхүйгээрээ нөхцөл байдлыг өөрчилж чадна гэдэгт би итгэдэг. Үүнд эргэлзэх зүйл огт алга гэжээ.