тэм­цээд байна уу гэдэг нь тун эргэлзээтэй.

Жагсаж, тэмцэж байгаа хүмүүс бүгд л бэлтэй байдаг нь анхаарал татдаг. Сонин, сэтгүүл, брошур хийх, бүр те­ле­визийн цагийг өндөр үнээр худалдаж авах, реклам цацах, кино хийх гээд мөнгө ордог ажлыг ямар ч төвөггүй хийдэг.

Чухамхүү энэ мөнгийг тэд хаанаас олж, хэн тэднийг санхүүжүүлээд байна вэ гэд­гийг одоо ярих цаг нь болсон юм биш үү.

Бид жагсагсад, тэмцэгч­дээс олныг мэднэ. Бүгд бая­жаад, эсвэл дарга болоод арилдаг нэг л дүр төрхтэй. Баасан ажаа хүртэл байртай бо­лоод салсан шүү дээ. Тэгэ­хээр хүмүүсийн эх оронч сэт­гэл дээр тэмцэгчид тоглоод байна. Эхний тэмцэгч албан тушаал, мөнгөтэй болоод су­раг алдарна. Дараагийн тэм­­цэгч гараад л ирнэ. Одоо бо­лимоор юм биш үү.

Хамгийн сүүлд гэхэд цө­­мийн технологийг эсэр­гүү­цэж жагсав. Яг энэ чиглэлээр жагсдаг хү­мүүсийг би мэднэ л дээ. Тэр хүмүүс одоо бүгд яаманд байгаа. Шинэ жагсагсад тэд­нээсээ асуумаар юм даа. Гэтэл гудамжинд учиргүй хашхираад явах юм. Уран­тай холбоотой тэмцэл гэж ойлгогдохоор боловч цаад учир нь их өөр. Эд бас л бэлтэй хүний эрх хүүхэд шиг бялхаж байх юм.

Чухам тэр хөрөнгө мөнгө нь хэнийх вэ, хаанахын вэ. Нэг сая төгрөгийн реклам цацаад нэг тэрбумыг ол гэдэг шиг юм яваад байна даа, янз нь.