Монгол Улсын сайд, Засгийн газрын Хэрэг эрхлэх газрын дарга Ч.Сайханбилэгийн урилгаар манай оронд нэг өдрийн хугацаатай саатах тэрбээр өөрийн удирдан ажилладаг таван байгууллагын шугамаар хамтын ажиллагааны асуудлууд хэлэлцэнэ.

Тэрбээр одоо Ерөнхий сайдын албаа өгсөнөөс хойш төрөлжсөн үйл ажиллагаа явуулдаг хэд хэдэн байгууллагыг үүсгэн байгуулж, удирдан ажиллаж байгаа юм.

Засгийн газрын үйл ажиллагаанд хөдөлмөр эрхлэлтийн чиглэлээр голлон зөвлөгөө өгдөг Office of Tony Blair-Goүernment Adүisory practice байгууллага, бизнесийн салбарынханд зөвлөгөө өгдөг Тоny Blair Аssociates пүүс, Африкийн улсуудтай ажилладаг Тоny Blair Africa Goүernance Initiatiүe буяны байгууллага, ядуурлыг бууруулах чиглэлээр ажилладаг Тоny Blair Faith Foundation, НҮБ, Европын Холбоо, АНУ, ОХУ ба Ойрхи Дорнодын энхийн элчээр ажилладаг Office of the Quartet Representatiүe зэрэг байгууллагыг удирдан явуулдаг юм байна.

Дээрх байгууллагуудын үйл ажиллагааны чиглэлээр хамтран ажиллах боломжийн талаар энэ удаагийн ажлын айлчлалынхаа хүрээнд Монгол Улсын Ерөнхийлөгч Ц.Элбэгдорж, Ерөнхий сайд Н.Алтанхуяг, ЗГХЭГ-ын дарга Ч.Сайханбилэг, Гадаад харилцааны сайд Л.Болд нартай санал солилцоно.

Энтони Чарльз Линтон Блэйр 1953 оны 5 дугаар сарын 6-нд Шотландын Эдинбург хотноо төрсөн, 1983- 2007 онд Британийн парламөнтын гишүүн, 1997-2007 онд Хөдөлмөрийн намын дарга, Ерөнхий сайдаар ажиллажээ.

Г.Уянга

Оллоо.мн