85 дугаар байрны оршин суугчдын өөрсдийн байгуулсан хүүхдийн тоглоомын талбай болон автомашины зогсоол дээр Эс Си Эм компани хашаа босгож, барилгын ажил эхлүүлэх гээд байгаад дургүйцэж эсэргүүцэж байгаа гэлээ.

Оршин суугчдын ярьж байгаагаар 85-р байранд орохын өмнө байрны гаднах тохижилт, машины зогсоол, хүүхдийн тоглоомын талбай зэрэг нь ийм байна гэсэн зураг төслийн дагуу захиалгаа өгч байсан. Гэвч байрандаа орсны дараа барилгын гүйцэтгэгч компаниас байрны гадна талын тохижилтыг гүйцэд хийж өгөөгүй сураг тасарчээ. Аргаа барахдаа оршин суугчид дундаасаа хөрөнгө гарган гүйцэтгэгч компанийн дутуу орхисныг гүйцээж, авто зогсоол, хүүхдийн тоглоомын талбай, ногоон байгууламж зэргийг чадах чинээгээрээ барьж босгосон байна.

Гэтэл өнгөрсөн оноос Эс Си Эм компани хүүхдийн тоглоомын талбайг сүйтгэн барилгын ажил эхлүүлж, хундаам цутгаж эхэлсэн байна.

Харин газрын маргаан үүсгээд байгаа Эс Си Эмкомпанийн хувьд барилга барих зөвшөөрлийг хотын захиргаанаас авсан. Оршин суучидтай зөвшилцсөний хүрээнд тоглоомын талбайд цахилгаанаар хангах под станц барьж эхлүүлсэн юм. Тэгээд манайх өөрсдөөсөө хөрөнгө гаргаад дороо гарааштай, дээрээ хүүхдийн тоглоомын талбай нь барьж өгье гэсэн юм. Гэхдээ энэ ажлыг шууд эхэлчихгүй. Хотын захиргаанаас зөвшөөрөл авч байж дараа нь хийгдэх асуудал гэжээ.

Гэтэл Нийслэлийн газрын албанаас Эс Си Эм компани барилга барих газрын зөвшөөрөлгүй. Энэ газрын маргаантай асуудал Шүүхийн шийдвэр гүйцэтгэх албанд шилжүүлсэн. Мөн Эс Си Эм компанийн барилгыг албадан буулгах шийдвэр гарсан гэсэн хариултыг өгөв.

Тэгвэл дээрх маргааны гол буруутан буюу хэргийн эзэн хэн бэ. Энэ хүн бол Нийслэлийн ИХТ-ын дарга асан Т.Билэгтийн охин Б.Даваасүрэн. Учир нь тэрээр анх Америкийн ЭСЯ-ны харалдаа, Сэлбэ голын зүүн талд 85 дугаар байрыг бариулсан бөгөөд барилгын гаднах талбай буюу хүүхдийн тоглоомын талбайг өөр компанид худалдчихсан байна. Үүнээс болоод оршин суугчид болон Эс Си Эмкомпанийн хооронд газрын маргаан үүсээд байгаа аж.

Өөрөөр хэлбэл Б.Даваасүрэн гэх бүсгүй буянаар эсвэл хариуцлагагүй хувиа хичээсэн зангаас болоод 85 дугаар байрны оршин суугчид гадна талбай болон автомашинаа тавих зогсоолгүй болж, Сэлбэ голын далангийн гантиг чулуу хавтан хагарч, Барилга Мега стор, Эрэл сургууль,Топ мебель зэрэг томоохон байгууллагууд болон орон сууцнуудын бохирын шугамд гэмтэл үүсэх, дулааны далд шугам эвдрэх, орон сууцнуудын халаалт доголдон 200 орчим айл өрхийн амьдралыг хохироох түвшинд хүрээд байна.

Ами

Оллоо.мн