хувьд бол Улаанбаатарын утаа бол нэг төрлийн саалийнх нь үнээ болсон гэхэд хилсдэхгүй.

Хүн амын хөгжил, нийгмийн хамгааллын сайд маань ч хүн амаа агаарын бохирдлоос хамгаалах сөхөөгүй яваа бололтой. Өнгөрсөн долоо хоногт хурмаст тэнгэрийн ивээлээр нэг өдөр ч гэсэн нийслэлчүүд цээж тэнэгэр амьсгалсан. Энэ өдөр С.Эрдэнэ сайд цэвэр агаарын сайхныг мэдэрчээ.

Түүний хувьд цахим хуудаснаа Цээж тэнэгэр амьсгалах ямар сайхан мэдрэмж вэ хэмээн бичсэн нь утаатай Улаанбаатартаа дасал болж, дөжирсөн гэдгээ товч бөгөөд тодорхой илэрхийлсэн хэрэг. Одоо урин дулаан болохоор утаа багасна. Эрх баригчид утааны эсрэг ажиллагаагаа зогсоож, мартана. Улаанбаатарчууд өвөлжин угаартана.

Харин С.Эрдэнэ даргад утаа, униар хүрэхгүй. Тэгээд яах вэ дээ. Хаврын эхэн сард дахиад л хурмаст тэнгэрийн хүчээр агаарын сайхныг мэдэрлээ хэмээн баахан шагширна. Монголын сайд нар худлаа амлах, сайхан шогширхоос өөрийг мэдэх биш дээ, ямар.