өр­төг­­тэй орон сууц барих бод­лого барин ажиллаж байгаа. Тэгвэл барилгын зах зээлд оролцогчид, бодлого боловсруулагч, хяналт тавих үүрэгтэй байгууллагууд бо­лон барилгын мэдээлэл, су­далгаа, сурталчилгааны коор­­динат төвөөс хамтран ши­нээр орон сууц авахаар төлөвлөж буй иргэдэд зо­риулан семинар, шинэ орон сууцны үзэсгэлэн зо­хион байгууллаа.

Семинарын үеэр орон сууцны чанар, стандарт, сууц өмчлөгчдийн эрх ашиг, нийслэлийн есөн дүүрэгт шинээр төлөвлөгдөж байгаа хорооллын танилцуулга, хууль эрх зүйн орчныг бүр­­дүүлэх тал дээр хийг­дэж байгаа ажлуудыг та­нил­цуулав.

Өнгөрсөн онд нийслэлд 11 мянга 349 айлын орон сууц ашиглалтад орсон бол энэ онд 19 мянга 300 болж нэмэгдэх төлөвтэй байгаа аж.

Шинэ орон сууц экс­по-2013 төрөлжсөн үзэс­гэлэнд Барилга хот байгуу­лал­тын яам, нийслэлийн Засаг даргын Тамгын газар, нийслэлийн Захирагчийн ажлын алба, Монголын Барилгын үндэс­ний ассо­циаци, Барил­гын үндэс­ний нэгдсэн төв, арил­жаа­ны банкууд оролц­сон юм.

Өнөөгийн байдлаар Улаан­баатар хотод 240 гаруй ком­­пани 30 мянган айлын орон сууцны барилга барьж байгаа аж. Судалгааны бай­гууллагууд тэдгээр орон сууцны хорооллуудыг стан­дарт орон сууц, стандарт дээд ангилал, бизнес, тансаг зэрэглэлийн гэсэн дөрвөн ангилалд хуваасан байна.

Шинэ орон сууц экпо-2013 үзэсгэлэнд стандарт орон сууц, стандарт дээд, биз­несийн ангиллын орон сууцнуудыг танилцуулж бай­гаа бөгөөд нь м.кв-ын үнэ нь нэг сая 250 мянгаас гурван сая төгрөгийн хооронд хэлбэлзэж байсан юм.

Үзэсгэлэнд оролцож буй иргэд Банкны хүү өндөр байна. Өрхийн орлого хоёр сая төгрөгөөс дээш байж л зээлд хамрагдах нь. Нийгмийн даатгалын дэвт­рийг үндэс­лэж зээл олгодог учраас ху­виараа жижиг, дунд биз­нес эрх­лэгчдэд ямар ч боломж байдаггүй. Үнэ өндөр ч чанаргүй барилгууд олон байна хэмээн ихэд шүүмж­лэлтэй хандаж байлаа.

Харин орон сууцны үнийг м.кв-ыг нь нэг сая төг­рөг хүртэл буулгах бо­ломж­той гэдэг нь зөвхөн хэлэлцүүлгийн шатанд явж байгаа асуудал аж.

Арилжааны банкуудын орон сууцны зээлийн хүү одоогоор 15-19 хувьтай бай­гаа. Бүх хадгаламж 11-13 хувийн хүүтэй, банкууд 4-6 хувийн ашигтай ажил­лах нь зүй ёсны хэрэг. Тий­мээс төрөөс бага хүүтэй зээ­лийг олон улсаас босгож, банкуудад тараан байршуулж байж орон сууцны бага хүүтэй зээл олгох боломж бүрдэнэ гэж үзэж байгаа.

Яг ийм аргаар улс орнууд иргэдээ орон сууцжуулсан туршлага байдаг.

Байнгын ажил орлоготой иргэд энэхүү зээлд хамрагдах бүрэн боломжтой. Харин бага, дунд орлоготой иргэдээ хэрхэн дэмжих талаар Барилга, хот байгуулалтын сайд Ц.Баярсайхан Төрөөс бага, дунд орлоготой ир­гэд, залуу гэр бүлийг хэр­хэн дэмжих талаар бод­лого гаргаж, ойрын хуга­цаанд Засгийн газрын хурал­даа­наар оруулна. Үүнээс өмнө Монголбанк, Нийгмийн даат­галын сан зэрэг хөрөнгө оруулагчидтай тохиролцох ёстой.

Засгийн газраас бага, дунд орлоготой иргэддээ зориулж түрээсийн орон сууц, амины орон сууц гэсэн хөтөлбөрүүдийг явуулж бай­на. Мөн гэр хорооллыг барилгажуулах хүрээнд 16 хэсэгт төслүүд зарлагдаад явж байгаа гэлээ.

Түрээсийн орон сууц гэдэг нь иргэд бага төлбөртэй орон сууцанд амьдарч, тодорхой хугацааны дараа буюу орлого нэмэгдсэний дараа өөр байр худалдаж авах эсвэл тухайн байраа эзэмших боломжуудыг Зас­гийн газраар хэлэлцэж байгаа юм байна.