маргаан байлаа.

Шударга Иргэдийн Фронт хөдөлгөөний тэргүүн Г.Арслан Усан спорт сургалтын төв буюу бидний хэлдгээр төв бассейн-ы даргаар ажиллах болоод тав орчим сарын хугацаа өнгөрч байна. Энэ хугацаанд төв бассейны эзэмшил талбай дээр ойролцоо байрлах орон сууцны оршин суугчид хогоо асгаад байсан учраас шаардлага тавьдаг байж. Гэвч хогоо хаясаар байсан байна. Тиймээс төв бассейн талбайд асгасан хогийг цэвэрлэж, тухайн орон сууцны өөрсдийнх нь хашаанд асгажээ.

Гэтэл хотын орлогч дарга Н.Батаа Г.Арслан руу утасдаж Арслан чи намайг өдөөд байна уу. Яагаад манай хашаанд хогоо хаяад байна аа. Бага оролдоорой. Энд би амьдардаг юм гэх утга бүхий зүйл ярьсан байна. Тиймээс Г.Арслангийн зүгээс учрыг нь тайлбарлуулахаар хуулийн зөвлөхөөрөө холбоо бариулсан боловч хотын орлогч дарга Чи юу яриад солиороод байгаа амьтан бэ гэх хариултыг өгчээ.

Гэтэл гурван давхар хаус, зургаан давхар орон сууц бүхий тухайн жижиг хотхоноос СБД-ийн Хот тохижилтын газар нэг ч удаа хогны мөнгө төлж байгаагүй аж. Тиймээс хогийг нь ачихаа байгаад удаж байгаа бөгөөд энэ хугацаанд хуралдсан хогоо Төв бассейны талбай дээр асгадаг байсан байх юм.

Төв бассейны хувьд сардаа 80 мянга орчим төгрөгийг хог хаягдлаа зайлуулахад тушаадаг аж. Мөн давхар Хотын орлогч дарга Н.Батаагийн хогийг өөрсдийн хөрөнгөөр зайлуулдаг байсан гэнэ. Тиймээс бусдын хогийг өөрийн хөрөнгөөр зайлуулах ёсгүй гэж үзсэн байна. Улмаар Г.Арслангийн зүгээс ёс зүйгүй харьцсан Хотын орлогч дарга Н.Батаагийн асуудлыг Төрийн албаны ёс зүйн хороонд мэдэгдэнэ гэлээ.

Ами

Оллоо.мн