компаниудтай тохиролцож, хэрэглэгчдэд таатай мэдээ дуулгасан нь ярианы тарифыг секундээр тооцох болсон тухай байв.

Дуудлага хийгээд нэг минутаас бага ярьсан тохиолдолд өмнөхөөс бага төлбөр буюу ярьсан секундын мөнгөө төлдөг болох нь гэсэн таатай мэдээ юм л даа.Мөн энэ ажил 2013 оны 03 дугаар сарын 01-ний өдөр хүчин төгөлдөр мөрдөгдөх ёстой байлаа.

Гэвч үүрэн холбооны үйлчилгээ үзүүлэгч компаниудын гаргасан үнийн тарифаас болоод хугацаа хойшилов. Тодруулбал ярианы тарифыг нэг секундийг хоёр төгрөгөөр тооцох тухай саналыг тавиад байна гэх мэдээлэл гарч эхэлсэн.

Энэ нь минутад 120 төгрөг буюу өмнөхөөс хоёр дахин их төлбөр төлөх болж таарч байгаа юм. Тиймээс иргэд О.Магнайд Нуухыг нь авах гээд нүдийг нь сохлов гэгчээр илүү төлбөр төлүүлэхээр болгочихлоо хэмээн ихэд дургүй байгаа. Гэхдээ О.Магнай секундэд хоёр төгрөг төлж байхаар хуучнаараа байсан нь дээр гэх утга бүхий бичвэрийг twittert нисгэсэн.

Тэгсэн секундээр тооцох шинэ журмын дагуу Харилцаа холбооны зохицуулах хорооноос нэг секунд ярианы төлбөрийг тогтоож өгсөн байна. Өөрөөр хэлбэл үүрэн холбооны үйлчилгээ үзүүлэгч компанийг 1,7 төгрөгөөс доош тарифтай байж болохгүй гэж журамлажээ. Харин үүрэн холбооны компаниуд ярилцаж тохиролцсны үндсэн дээр сэкундийг 2.2 төгрөг байхаар тооцсон байна. Ингээд бид минутад 50 төгрөг төлдөг байсан бол 110 төгрөг төлөх боллоо гэсэн үг.

Энэ нь бага ярьдаг хүмүүст ашигтай их буюу нэг минутаас дээш ярьдаг хүмүүс хохиролтой шийдвэр болжээ. Харин үүрэн холбооны үйлчилгээ үзүүлэгч компаниудын хувьд сохорсон биш завшив гэдгээр хоёр дахин илүү төлбөр авахаар болж байх шиг.

Ами

Оллоо.мн