зөрчсөн учраас нүүрс олборлох тусгай зөвшөөрлийг нь түдгэлзүүлсэн билээ.

Хэрэв санаж байгаа бол өнгөрөгч 2013 оны 01 дүгээр сарын 31-ны өдөр Ашигт малтмалын газрын дарга асан Д.Батхуягт ял оноосон. Өөрөөр хэлбэл түүний ял авах үндэслэлүүд дунд Саусгоби Сэндс компанийн хайгуулын болон ашиглалтын лицензийн эрхийг хууль бусаар сэргээсэн нь тогтоогдсон тухай асуудал байдаг. Харин шүүхийн шийдвэр гарсны дараа буюу Д.Батхуягийг баривчилсны дараа тус компанийн Моннис дахь оффисыг лацдаж, улмаар АТГ-аас СаусГоби Сэндс компанийн хуулийн ахлах зөвлөх Сара Армстронгийг саатуулан шалгаж байгаад нутаг буцаасан. Мөн тус компанийн ерөнхийлөгч бөгөөд гүйцэтгэх захирал Жастин Каплаг Монголоос гарахыг хориглосон гэх мэдээллүүд гарах болсон.

Гэвч Саусгоби Сэндс компанийн Монгол дахь үйл ажиллагаа хэвийн хэмжээнд явагдаад эхэлж байгаа нь анхаарал татах боллоо. Өөрөөр хэлбэл Монголын хууль дүрмийг зөрчдөг, өмнийн говийн нүүрсний ордны 57.6 хувиа 898 сая ам.доллараар үнэлэн Хятадын Чалко компанид дамлахаар далд тохиролцоог хийж байсан нь илэрч, ихээхэн асуудал үүсгэж байсан компани ийнхүү албан ёсоор үйл ажиллагаа нь эхэлж байх шиг байна.

Саусгоби сэндс ХХК 2008 оноос эхлэн Өмнөговь аймгийн Гурвантэс сумын нутаг дэвсгэрт оршдог Овоот толгой нүүрсний орд газарт олборлолт явуулж байгаа. Гэвч 2009 оны 11 дүгээр сард Овоот толгойн уурхайн хүчин чадлыг нэмэгдүүлэх, дэд бүтэц бүрдүүлэх, нүүрс боловсруулах үйлдвэр барих зэрэг ажлыг хийж хэрэгжүүлэхийн тулд хэмээн БНХАУ-ын төрийн өмчит China Inүestment Corporation компаниас 500 сая ам.доллар зээлсэн.

Тэд өөрсдөө л зээл гэж тайлбарладаг болохоос угтаа бол 500 сая ам.долларын төлөөс нь Southgobi Energy Resources компанийн хувьцааны 29,9 хувь гэж мэргэжилтнүүд хэлдэг.

Угтаа бол БНХАУ-ын төрийн өмчит компани 500 сая доллараар Саусгоби сэндс компанийн хувьцааг авч Монголын нүүрсний баялгийн нэгээхэн хэсэгт эзэн суугаад удаж байгаа гэсэн үг юм. Одоо Саусгоби Сэндс уурхайн үйл ажиллагаагаа дахин явуулж эхэллээ. Дагаад асуудлууд яригдаж эхлэх байх даа.

Ами

Оллоо.мн