болохоор хэн хүнгүй ядарч, нүдний доогуур хар хүрээ тогтдог ч Г.Уянга гишүүний шинж тэмдэг нь хаврын ядаргаа биш гэнэ.

Эрхэм гишүүний нойр хүрэхгүй байгаа ажээ. Нойргүйдлийг өвчин биш гэж үздэг ч нэн түрүүнд юунаас болоод нойр хүрэхгүй байгаа шалтгаанаа олж тодруулах хэрэгтэй гэнэ. Ихэнх тохиолдолд ядаргаа хуримтлагдсанаас, мөн сэтгэлийн цочрол, стрессийн дараа нойргүйддэг аж.

Чухамдаа Г.Уянга гишүүн төр, түмнийхээ төлөө зүтгэсээр яваад ядаргаанд орчихов уу, өөр бусад шалтгаан байгаа эсэхээ эмчид хандаж, сайтар тодруулах шаардлагатай болж байна. Эрхэм гишүүн өвлийн тэсгим хүйтэнд худалдааны захуудаар явж, түрээслэгчдийг цээжээрээ хамгаалан зүтгэсээр байгаад ядаргаанд оров уу, өөр ямар нэг шалтгаантай юм болов уу.

Ямартай ч хаврын чуулган эхлэхээс өмнө биеэ сайн эмчлүүлэхгүй бол хурал тасалдаг гишүүдийн тоог нэгээр нэмэх вий. Ер нь хаврын хавсарга, цаг наргүй ажил ямар ч хүнийг тамирдуулдаг гэдгийг Г.Уянга гишүүнд сануулахад илүүдэхгүй л болов уу.