зүйлийг тодрууллаа.

-Монгол Ул­сын иргэд­ийг хоёр улсын Засгийн газар хоорон­дын гэрээ, хэлэл­цээрийн дагуу гадаадын их, дээд сургууль, кол­лежид суралцуулдаг. Энэ жилийн хувьд хэч­нээн оюутан гадаа­дад сур­гахаар болсон бэ?

-Хоёр улсын Зас­гийн газар хоорондын гэрээ, хэлэлцээрийн дагуу жил бүр 16 оронд иргэ­дийг их, дээд сургуульд бак­лавар, магистрант, док­торант суралцуулахаар явуул­даг. 2011 оны 12 дугаар сарын бай­длаар манай 3000 гаруй ир­гэн тухай орны Зас­гийн газрын тэтгэлгээр суралцаж байна.

Ирэх хичээл­ийн жилд 750-800 иргэн­ийг бакалавр, ма­гистр, док­торын түв­шинд сурал­цуулах төлөв­лөгөөтэй байгаа. БНХАУ, Чех улсад суралцах хүмүү­с­ийн шал­галтыг Элчин сайдын яамд нь бие даан зохион байгуулж байна. Харин бусад оронд суралцах хүмүү­сийн сонгон шалгаруулалтыг манай яам тухайн орноос манай оронд суугаа ЭСЯ-тай хамт­ран зохион бай­гуулдаг.

Сурал­­­цуулах тухай эц­сийн ший­­­д­вэр хүл­­ээн авсан сурал­­цагч нь сур­гуульдаа үнэ төлбөргүй суралцах, мөн амьжир­гааны тэтгэлэг авах бөгөөд замын зардлыг сурал­цагч өөрөө хариуцна.

-Яамны зүгээс ямар мэр­гэжлээр сурал­­цагчдыг дэмжиж байгаа вэ?

-Тухайн улсын хүлээж авах нөх­цөлөөс шал­тгаа­лан гэрээ хэлэл­цээртээ улс орнуудад техник технологи, байгалийн ухааны чиглэлээр суралцуулах бодлого барьж байгаа.

-Засгийн газрын тэт­гэлгээр ямар ямар улсад суралцах боломжтой вэ?

-Хоёр улсын Зас­гийн газар хоорон­дын гэрээ, хэлэлцээрийн дагуу 2011-2012 оны хич­ээлийн жилд ОХУ-д 275, БНХАУ-д 315, Туркт 90, Энэтхэгт 30, Польшид 22, Вьетнамд 18, Лаост найм, Чехэд зур­гаа, Унгарт дөрөв, Казахс­танд дөрөв, Румынд гурав, Украинд гурав, Болгарт хоёр, Куба, БНАСАУ-д тус бүр хоёр хүнийг эд­гээр орны Зас­гийн газрын тэт­­гэлгээр сурал­цуулж байна.

-Одоо­гоор бүр­тгэл нь дууссан ямар улсууд байна вэ?

-Энэтхэг, Чех, БНХАУ-ын Зас­гийн газрын тэтгэлгийн бүртгэл, шалгалт нь ерөнхийдөө дууссан. Бусад орнуудын бүртгэл хараахан зарлагдаагүй, шалгалтын тов гараагүй байна.

-ОХУ-ын тэтгэлгийг сонирхсон иргэд олон байна. Уг нь бүртгэл гуравдугаар сард болдог гэж байсан?

-Тийм ээ. Өмнөх жил­үүдэд ОХУ-ын Зас­г­ийн газрын тэтгэлгийн бүр­тгэл гуравдугаар сард явагд­даг байсан. Энэ жил­­ийн хувьд тэтгэлэгтэй хол­боо­той журамдаа өөр­члөлт оруулж байгаа талаарх мэдээл­лийг бидэнд өгсөн. Тиймээс чухам ямар шалгалт авах, хэдэн оюутан эл­­сүүлэх талаарх мэдээлэл ир­ээ­гүй гэсэн үг. Энэ мэд­­ээ­лэл ирс­ний дараа яамн­ыхаа вэб сай­таар дамжуулан шаардлагатай мэдээллийг олон нийтэд хүргэх болно.

-Хоёр улсын Засгийн газрын тэтгэлгээр суралцах хүсэлтэй иргэдэд зориулсан нийтлэг шаардлагын талаар товч мэдээлэл хүргэх нь зүйтэй байх?

-Бакалаврт суралцах иргэн Монгол Улсын их, дээд сургуулийн нэг, хоёрдугаар курсын оюутан байх бөгөөд дүнгийн голч нь 3.1-ээс дээш байх ёстой. Мэдээж тухайн орны хэлний талаарх мэдлэг чухал үүрэгтэй.

-Магистр, докторт суралцах тохиолдолд?

-Магистрт суралцах гэж байгаа тохиол­долд дипломны голчийг гол үзүүлэлт болгодог. Док­торын тухайд магистр хам­гаалсан байх шаар­д­лагатай. Мөн судалгааны ажлын тодорхой туршлагыг хардаг.