ахуйн сайд Х.Баттулгатай цуг Баянхонгороос нэр дэвшиж, Хаа ч явсан цуг гэж мэдээрэй хэмээн дуулсаар УИХ-ын эрхэм гишүүнээр тодорсон Д.Ганбат ёстой л яван чангарч байгаа нэгэн.

Иргэний нисэхийн тухай хуулийн ажлын хэсгийн ахлагчаар ажиллахдаа МИАТ-ийн 49 хувийг хувьчлах санаатай хэсэг үзэлцээд бараагүй ч сонгогч олноос Энэ дуугүй нөхрийг чинь басч болохгүй юм байна гэсэн үнэлгээг салгаж дөнгөсөн их эр гэж байгаа.

УИХ завсарласан энэ хугацааг Д.Ганбат гишүүн тун ч үр бүтээлтэй ашиглаж, гадаад үзэмжиндээ ихээхэн анхаарал хандуулж байгаа аж. Өчигдөр өглөөгүүр Central Tower-ийн нэг давхарт байх Ermenegildo Zegna дэлгүүрээр орж захиалсан хувцсаа аваад явж харагдана лээ. Ганц гутал нь сая төгрөгийн үнэтэй энэ дэлгүүрээр төсвийн цалинтай хүмүүс шагайж ч зүрхэлдэггүй.

Харин сая 200 мянган төгрөгийн цалинтай эрхэм гишүүн маань тооцоогоо бэлэн мөнгөөр хийлгүй карт уншуулчихаад, захиалсан брэндийн хувцсаа аваад гүйгээд явчихсан. Оройхон гараад ширүүхэн дайрч байгаа УИХ-ын эрхэм гишүүн Д.Ганбат яван чангарсаар одоо зөвхөн брэндийн хувцсаар гангарахаар шийджээ. Цаг цагаараа байдаггүй ээ гэж, мөн ч үнэн үг шүү.