Энэхүү арга хэмжээ өчигдөр УДБЭТ-д танхимд шилдгийн шилдэг долоон уран бүтээлчийг шалгаруулж Гэгээн Муза-гийн өмнөх бэлгийг уран бүтээлчид барьсан юм. Мөнгөн мод шилдэг бүтээл шалгаруулах эл наадам дөрөв дэхь жилдээ зохион байгууллагдаж байгаа аж. Энэхүү наадамд Мөнгөн мод цомын эзнээр тодорсон уран бүтээлчдийг танилцуулж байна.

-2012 онд тайз дэлгэцийн шилдэг киноны найруулагчаар Бурхан өршөө киног найруулсан Монголын кино урлагийн зөвлөлийн гишүүн, кино найруулагч З.Батболд

-Шилдэг бүжигчнээр Алтан ураг бүжгэн жүжгийн мэргэдийн хаан Дармалаг-ийн дүрээр УДБЭТ бүжигчин А.Батхүү

-Шилдэг хөгжимчнөөр Л.Мөрдоржийн нэрэмжит үндэсний хөгжимчдийн улсын хоёрдугаар уралдаанд эвэр бүрээ хөгжмөөр тэргүүн байр эзэлсэн УДБЭТ хөгжимчин О.Чинбат

-Шилдэг дуучнаар 2012 онд БНХАУ-д зохиогдсон дэлхийн дуурийн дуулаачдын ХХ уралдаанд оролцож нэгдүгээр байр эзэлсэн УДБЭТ гоцлол дуучин Э.Амартүвшин

-Тайз дэлгэцийн шилдэг зураачаар В.Шекспирийн Гамлет жүжгийн зураачаар ажилласан УДБЭТ ерөнхий зураач Т.Ганхуяг

-Тайз дэлгэцийн шилдэг жүжигчнээр В.Шекспирийн Гамлет жүжгийн Гамлетийн дүрийг бүтээсэн УДБЭТ жүжигчин С.Болд-Эрдэнэ

-Монгол хувцас болон түүнийг урлах уламжлалт гар урлалыг хөгжүүлэхэд үнэтэй хувь нэмэр оруулсан Монгол костьюмс-ын захирал Б.Сувд өвийг өвлөн түгээгчээр тус тус шалгарсан юм. Дээрх шилдэг бүтээлийн уран бүтээлчид Мөнгөн мод цомыг ССАЖЯ-ны дэд сайд М.Түмэнжаргал, ССАЖЯ-ны Соёл, урлагийн бодлогын хэрэгжилтийг зохицуу­лах газрын дарга Н.Оргил нараас шагналаа гардан авсан юм.

Б.Дэлгэрцэцэг