тун ч жаргалтай амарч явах хойгуур Шадар сайд Д.Тэрбишдагва өнгөр­сөн даваа гарагт сэтгүүлчдэд зориулсан Засгийн газрын мэдээллийн Бүтээн бай­гуу­лалтын цаг-ийг удирдан хийлгэсэн билээ.

Сайд нар нь амарсан тул дэд сайд, Төрийн нарийн бичгийн дарга нар хүрэлцэн ирсэн энэ удаагийн Бүтээн байгуулалтын цаг-аар хүн бүхний харц нэгэн тормолзсон бүсгүй дээр төв­лөрөөд байсан нь БСШУ-ны дэд сайд Б.Ургамалцэцэг байв. Б.Ургамалцэцэг дэд сайд ч энэ байдлыг анзаар­сан бололтой тун ч намжиртай тормолзож, байс­хийгээд л нүүр дүүрэн ми­шээл тодруулан хажуу дахь хүнтэйгээ ямар нэгийг чухавчлан ярилцсаар Бү­тээн байгуулалтын цаг-ийг дуусгана лээ.

Ерөнхий сайд Н.Алтан­хуягийн толгойлдог Алтан­гадас фракцын идэвхтэй ги­шүүн Б.Ургамалцэцэг сайд АНУ-ын Бридж портын их сургуулийг боловсролын шинжлэх ухааны магистр зэрэгтэй төгссөн гэсэндээ америкчуудын завсаргүй инээм­сэглэдэг жижүүр-ийн аран­шинг тун сайн эзэмшжээ.

Байсхийгээд л нүдээ байд­гаар нь тормолзуулан хавь ойртоо инээмсэглэл бэ­лэглэх БСШУ-ны дэд сайд Б.Ургамалцэцэг шиг улс­төрч бүсгүйчүүд олон байвал УИХ, Засгийн газрын хурал­даан арай л амьд, гэрэл гэ­гээтэй болох төлөвтэй. Б.Ургамал­цэцэг дэд сайдын то­ромгор алаг нүдээ гэж.