Улаан­­баатар хотод өрнөж бай­гаа замын бүх ажил ирэх есдүгээр сарын нэгэн гэхэд дуусч, зорчих хэсгээ нээнэ гэсэн. 2013 оны хувьд нэлээн хожуу буюу дөрөвдүгээр са­раас эхэлсэн зам засварын ажил өнөөдрийн байдлаар 41 байршил дээр явагдаж байгаа бөгөөд гүйцэтгэл нь одоогоор 63 орчим хувьтай яваа нь НАЗГ-ын дарга Д.Нанзаддоржийн сэтгэлийг амрааж Бүх замын зор­чих хэсгийг есдүгээр са­рын 1-н гэхэд бэлэн болгоно гэж хэлүүлсэн нь ойлгомжтой. Энэ жилийн тухайд Улаан­баатарын зам засвар, ши­нэчлэлтийн ажилд Чингис бонд-ын мөнгөнөөс нэг их наяд төгрөгийн хөрөнгө оруу­лалт хийгдсэн бөгөөд сарын дараа хүлээн авч дуусах ши­нэхэн замууд ча­нарын хувьд ярих юм байхгүй гэж Д.Нанзаддорж дарга мэ­дэгдэнэ лээ. Энэ нь жил ч бололгүй хагарч үйрээд, өм цөм болчихдог замыг бид дахин харахгүй гэсэн үг л дээ.

Өнөөдрийн байдлаар бү­рэн ашиглалтад орсон дөр­вөн зам /Энхтайваны гүү­рээс 120 мянгатын уулз­вар хүртэлх 0.6 км зам, СБД, I хороо, Олимпийн гудамжны 1.1 км зам, Цагаан давааны хогийн цэг хүрэх хайрган хучилттай 1.66 км зам, Шалган бүртгэх товчоодын зам/ зорчих хэс­гээ бүрэн нээж, явган зам гэрэлтүүлгийн ажил хийг­дэж байгаа есөн зам, нэг гүүр /Дандарын гудамжны 0.9 км зам, Бэлхийн 5 км замын шинэчлэлтийн ажил, Сэлбийн хос гүүрний өргөтгөл шинэчлэлтийн ажил… гэх мэт/ байгаа бол гэ­рээ байгуулах шатанд хоёр гүүр /Онцгой нөхцөлд ашиглах түр гүүр, Дунд голын доод гүүрийг хос гүүр болгон шинэчлэх/, ажил явагдаж байгаа 21 зам /Баян­бүрдийн тойргоос 32-ын тойрог хүртлэх 1.7 км замын ажил, Яармагийн гүүрнээс Нисэх-Нисэхийн товчоо, Сонс­­голонгийн уулзвараас Яармагийн товчоо хүртэлх 13.7 км замын өргөтгөл, шинэчлэлт… гэх мэт/, тен­дерийн үнэлгээний ша­танд гурван ажил, дахин тендер зарласан нэг зам байгаа юм байна.

Мөн энэ жил явган хү­ний зургаан гүүр барихаар төлөвлөж байсан ч үзэгдэх орчинг хязгаарладаг гэсэн шалтгаанаар дөрвийг нь болиулж, хоёрыг нь барихаар болжээ. Хэдийгээр зам зас­вар, ши­нэчлэлтийн ажил ийнхүү урагштай байгаа ч зам зас­вар, шинэчлэлтийн ажилд хөрөнгө мөнгө, ажил­­лах хүч зэрэг гол хү­чин зүйлээс гадна газар чө­лөөлөлт ихээхэн саад уч­руулдаг гэнэ.

Нийслэлийн авто замын газраас тухайн газрыг чө­лөөлүүлж өгөхийг Нийс­лэлийн газрын албанд мэдэгддэг ч зарим иргэд өөрийн газрыг чөлөөлж өгөхөөс эрс татгалзаж, газ­раа чөлөөлдөггүй нь зам зас­варын ажил хойшлоход хүргэдэг гол бэрхшээл ажээ.

Тиймээс зарим тохиол­долд зургаа орчим метрийн өргөнтэй хийгдэх явган хүний зам 1-1.5 метрийн өргөнтэй хийгддэг байна.

Манай улсад байдаг цорын ганц олон улсын гэж нэрлэж болохуйц Яармагийн гүүрнээс Нисэх, Нисэхийн товчоо, Сонсголонгийн уулз­вараас Яармагийн товчоо хүртэлх 13.7 км замын өргөтгөл, шинэчлэлт ажил 40 хувьтай яваа бөгөөд энэ сарын 25-нд урд урсгалаа нээж, аравдугаар сарын 15 гэхэд бүрэн дуусгахаар ажиллаж байгаа гэнэ. НАЗГ-ын дарга Д.Нанзаддорж дарга Улаанбаатарт өрнөж байгаа зам засварын ажлын талаар нэг иймэрхүү чихэнд чимэгтэй мэдээлэл хийв.

Харин Д.Нанзаддорж дарга аа хэлсэн үгэндээ эзэн суугаарай. Ирэх есдүгээр сарын 1-н гэхэд одоо шинэчлэгдэж байгаа бүх замын зорчих хэсэг бэлэн болсон байна гэж та хэлсэн шүү.

Харин сургууль, цэцэр­лэг, алба ажил эхлэх болоход Бороо ороод, бас газар чөлөөлөлт удаашраад зарим замын ажил дууссангүй гэсэн шүү юм яриад сууж байв аа. Тийм тайлбар сонс­­моор­гүй л байна шүү Д.Нанзад­дорж дарга аа, гэж иргэд үг дайж байна лээ.