Өдөрт багадаа 12 цагаар ажиллана, амрахгүй, аялахгүй байх хэрэгтэй хэмээн бараг л ажлынхаа байрнаас гарахгүй байх тушаал өгчихөө шахаж билээ. Нөгөөдүүл нь ч эхэндээ хөөрхий үгэнд нь орчих санаатай бямбад хүртэл хуралдаад л сүрхий байцгаасан.

Гэтэл нөгөө сүрхий хэлсэн, ярьсан нь жил хүрэхгүй хугацаанд замхарч, Засгийн газрын гишүүд амрах нь амраад, зугаалах нь зугаалаад бараг л дэлхийгээр нэг тараад алга болсон.

Харин наадмын дараах намрыг мартан аялж, зугааллаа хэмээн шүүмж­лүүлсний эцэст ашгүй ажилдаа орсон дуулдана. Өнөөдөр Ерөнхий сайд сэтгүүл­чидтэй уулзахаар товлосон. Харин бямба гарагт хуралддаг бай­сан Засгийн газрын хуралдаанаа баасан гарагт болгон шилжүүлсэн байна.

Тэгэхээр эрхэм Ерөнхий сайдын ичих булчирхай ажиллаж, салбарын сайд нараа дуудан ирүүлсэн бололтой дог оо.