тушаалаар ба­талсан Гадаад эмчилгээний зөвлөл-өөр хэлэлцэн энэ асуу­далд санхүүгийн тусламж үзүү­лэх боломж байдаг аж. уг шугамаар ЭМЯ-нд өргөдлөө өгсөн 19 иргэнийг салбарын сайд Н.Удвал өчигдөр хүлээн авч уул­заж тэ­дэнд 65 сая төгрөгийн санхүү­гийн тусламж үзүүлэхээр болсон тухай мэдээллээ.

Уг дэмжлэгийг хүсч байгаа иргэд өргөдөл, гадаад оронд эмч­лүүлэх эмнэлгийн дүгнэлт, гадаадын эмнэлгийн хүлээн авч эмчлэх урилга болон зөвшөөрөл, шаардлагатай бичиг баримтыг хуга­цаанд нь бүрдүүлсэн то­хиол­долд нэг сарын дотор шийд­вэрлэгдэх боломжтой.

Түүнчлэн Н.Удвал сайдын 2011 оны 107 дугаар тушаалаар Монгол улсад эмчлэх боломжгүй 27 нэр төрлийн өвчний жагсаалт болон эмнэлгийн дүгнэлт гаргах журмыг баталж уг жагсаалтад орсон өвчинтэй хүмүүст өнгөрсөн хугацаанд тусламж үзүүлж байжээ.

Тодруулбал 2011 онд 98 иргэнд 416 сая, 2012 онд 147 иргэнд 513.5 сая мөн энэ оны эх­ний хагас жилийн байдлаар 84 иргэнд 256 сая төгрөгийн санхүүгийн дэмжлэгийг тус тус олгоод байгаа аж.

Дашрамд дуулгахад Эрүүл мэндийн яаманд жилд дунджаар гадаад эмчилгээний зардалд дэмж­лэг хүссэн 200-300 иргэний өр­гөдөл ирдэг юм байна. Эд­гээрийн гуравны нэг орчим нь Монгол улсад эмчлэгдэх бо­ломжгүй бөгөөд зайлшгүй гадаа­дад илгээн эмчлүүлэх өвчний жаг­саалтад орсон өвчин эмгэгтэй иргэд байдаг аж. Үүнд мэдрэлийн төрлийн, хорт хавдар болон тархи­ны болон зүрх судасны мэс засал мөн нүдний өвчин, эрхтэн шилжүүлэн суулгах гэх мэт эм­гэгүүд зонхилдог байна.