Байгалийн чулуун зам ашиглалтад орлоо

Нийслэлийн гурван байршилд байгалийн чулуугаар тавьсан авто зам ашиглалтад оржээ. Тодруулбал Гандангийн баруун хаалганаас Амарсанаагийн гудамжтай нийлж буй хэсгийг, Анкарагийн гудамжийг хуучны Лениний музейтэй, 11 дүгээр хорооллыг Денверийн гудамжтай холбох замуудыг байгалийн чулуугаар тавьжээ.

Харин одоо Төмөр зам, 13 дугаар хороололд чулуун замын ажил хийгдэж байгаа аж. Байгалийн чулуун зам нь борооны усыг шингээхээс гадна шугам сүлжээ солиход эвдэгдэхгүй ач холбогдолтой юм байна.

Энэ мэт нийслэлийн есөн байршилд байгалийн чулуугаар авто зам тавих юм.

П.УНДРАМ

Оллоо.мн