“Барс 2” захад цайны газрын газ дэлбэрснээс гал гарчээ

Сонгинохайрхан дүүрэгт байрлах “Барс 2” захад өчигдөр11 цагийн үед гал гарсан. Нийслэлийн онцгой байдлын албан хаагчид шуурхай ажиллан галыг цаг алдалгүй бүрэн унтраасан юм. Галын шинжээчид, нийслэлийн Онцгой байдлын газрын бие бүрэлдэхүүн галын шалтгааныг тогтоохоор ажиллаж байгаа юм. Одоогоор галын дүгнэлт гараагүй байгаа бөгөөд албаныхан ямар учраас гал гарсан шалтгааныг хараахан хэлэх боломжгүй гэж байсан бол тус захын түрээслэгчид цайны газрын газ дэлбэрсэнээс болсон байж магадгүй хэмээн хэлж байлаа. Тодруулбал хоёр давхрын цайны газраас эхлэн гал гарсан байна.

Б.Сансартуяа

Оллоо.мн