“Алтан шаахай” шагналыг К.Роналду, Л.Суарез нар хамт хүртэхээр боллоо

2013-2014 оны европын “Алтан шаахай” шагналыг хоёр тамирчин хүртэхээр болжээ. Тодруулбал Испанийн эзэн хааны Реал Мадрид багийн довтлогч К.Роналду болон Английн Ливерпүүл багийн довтлогч Л.Суарез нар хамтдаа энэхүү нэр хүндтэй шагналыг хүртэхээр боллоо. Тэд Премьер лиг болон Ла лигт 31 гоол оруулсанаар нийтдээ 62 оноо цуглуулж тэнцсэн байна. Энэхүү шагналыг К.Роналду гурав дахь удаагаа хүртэж байгаа бол Л.Суарез анх удаагаа хүртэж байгаа юм байна.