Монгол, Тайландын Засгийн газар хоорондын анхдугаар хуралдаан болно
Монгол Тайланд хоёр улсын хооронд дипломат харилцаа тогтоосны 40 жилийн ой энэ жил тохиож байгаа аж. Энэ ойн хүрээнд ирэх 27-ны өдөр Улаанбаатар хотноо хоёр орны Засгийн газар хоорондын анхдугаар Зөвлөх хуралдааныг хийхээр төлөвлөжээ. Уг хуралдааны тухай Засгийн газрын хуралдаанаар хэлэлцээд Монголын талын төлөөлөгчдийн баримтлах удирдамжийг зөвшөөрч, төлөөлөгчдийн бүрэлдэхүүнийг батлахыг Гадаад харилцааны яамны Төрийн нарийн бичгийн дарга бөгөөд тус комиссын Монголын хэсгийн дарга Г.Цогтсайханд даалгасан байна.
Түүнчлэн анхдугаар хуралдаанаар улс төр, эдийн засаг, худалдаа, хөрөнгө оруулалт, уул уурхай, хүнс, хөдөө аж ахуй, соёл, аялал жуулчлалын салбарын хамтын ажиллагааг хөгжүүлэх зэрэг харилцан сонирхсон асуудлаар санал солилцож, хуралдааны протоколд гарын үсэг зурах аж.
Өглөөний сонин
