Европын холбоо ОХУ-ын эсрэг хориг тавина гэв

Их Британи, Герман, Фран­цын төрийн тэр­­гүүнүүд Европын хол­­бооны зүгээс Оросын эсрэг хо­риг тавих асуудалд нэгджээ.  Их Британий Ерөнхий сайд Ка­­мерон, Германы Ерөнхий сайд Меркель, Францын Ерөн­хий­лөгч Олланд нар өнгөрсөн ням га­рагт Украины зүүн эт­гээдэд сүйр­сэн Малайзын иргэний агаа­рын тээврийн MH17 он­го­цыг тойрсон асуудлын та­лаар утсаар ярилцсан бай­на.

Ослын газар мэргэжилт­нүү­дийг саадгүй нэвтрүүлэхэд Ерөн­­хийлөгч Путиныг  цэр­гийн­хэнд хамгийн чухал нөлөө үзүүлж чадна гэж гурван орны ли­­дерүүд үзэж байгаа ажээ. Ул­маар гурван улс нэн даруй цог­цоснуудыг цуглуулж, ар гэрт нь аюулгүй хүргэж, сүйрлийн шалтгааныг тодруулахын тулд ОХУ-ын Ерөнхийлөгч Путин са­лан тусгаарлагчдад нөлөөлж, ят­гах хэрэгтэй гэсэн байр суурьт санал нэгдсэн байна.

Хэрэв ОХУ тодорхой арга хэмжээ авах­гүй бол өнөөдөр хийхээр тө­лөвлөгдөөд буй Европын хол­бооны гадаад хэргийн сай­дуудын уулзалтаар Оросын эс­рэг хориг арга хэмжээ ава­хаар болсон байна. Энэ яриа бол­соны дараа Их Британийн Ерөн­хий сайд Камерон ОХУ-ын Ерөнхийлөгч Путинтай ут­саар ярьж, Орос улс Украины хям­ралыг шийдвэрлэх эсэх тал дээр  дэлхий нийт анхаарлаа хандуулж буйг сануулж,  арга хэмжээ авахыг хүсчээ.

Харин Ерөнхийлөгч В.Путин олон ул­сын хэмжээний шалгалт шин­жилгээнд хамтран ажиллах хү­сэлтэй байгаагаа илэрхийлсэн бөгөөд “Мөрдөн байцаалтын ажил дуусаагүй байхад яаран дүг­нэлт гаргаж, улс төрийн хэм­жээний мэдэгдэл хийхээс аль болох зайлсхийх хэрэгтэй” хэ­мээн онгоцны осолд босогчид болон ОХУ-ыг сэжиглэж буй Ев­роп, Америкийн орнуудад ан­хааруулж, тэдний байр суурийг эрс шүүмжилжээ.

Мөн Германы Ерөнхий сайд Меркель ч гэсэн Оросын төрийн тэргүүн рүү утас цохисон аж. Тэрбээр Ма­лайзын онгоцны сүйрлийн үнэн учрыг тайлахын тулд бо­сог­­чид, Украин, Европын хол­боо­ны аюулгүй байдлын хам­тын ажиллагааны байгууллага гэ­сэн гурван талын шууд яриа хэлэл­цээ­рийг хэрэгжүүлэх үүднээс бо­согчдод нөлөөлөхийг да­хин дахин хүсчээ.

Харин үүний хариуд Ерөнхийлөгч Пу­тин “Бие даасан олон улсын су­далгаа, шинжилгээ явуулахын тулд Украины Засгийн газар бо­лон босогчид аль аль нь шин­жээчдийн аюулгүй байдлыг хангах нь чухал болохыг онцлон тэмдэглэсэн” гэсэн бөгөөд зүүн этгээд дэх дайнаа зогсоохыг Украины армиас шаардаж бай­гаагаа илэрхийлжээ.

Харин Уильям Хейгийн халааг авч, энэ сарын 15-ны өдөр Их Бри­та­нийн Гадаад хэргийн сайдаар томилогдсон Филипп Хэммонд ажлаа ОХУ-ын эсрэг нэмэлт хо­риг тавих асуудлаас эхэлж бай­на. Тэрбээр өнөөдөр Европын холбооны Гадаад харилцааны сайдуудын уулзалтад оролцож,  ОХУ-д тавихаар зэхэж байгаа эдийн засгийн хориг арга хэм­жээнийхээ талаар ярилцаж са­нал бодлоо солилцох юм бай­на.

Филипп Хэммонд энэ та­лаар “Ройтерс” агентлагт өг­сөн ярилцлагадаа “ОХУ одоо барим­талж байгаа байр сууриа өөрч­лөхгүй бол бид Европ дахь хол­боотнууддаа ОХУ-ыг эсрэг шинэ хориг тавихыг уриалах бол­но” хэмээн мэдэгдэж байсан юм. Ямартай ч энэ хэргийн жин­хэнэ эзэн нь олдоогүй байхад Их Британи, Герман, Франц тэр­гүүтэй Европын холбооны ор­нууд ОХУ-ын эсрэг  нэмэлт хориг арга хэмжээ авах талаар яриад эхэлжээ.

Х.Батсайхан

МОНГОЛЫН МЭДЭЭ

0 Сэтгэгдэл
Inline Feedbacks
View all comments
Back to top button