Санхүүгийн тогтвортой байдлын зөвлөл хуралдав

Санхүүгийн тогтвортой байдлын зөвлөлийн хуралдаан болж, энэ үеэр найман багц асуудлыг хэлэлцсэн байна. 

Тодруулбал, иргэдийн эзэмшиж буй 1072 хувьцааны бүртгэлийн тухай, Үнэт цаасны арилжааны төлбөр, тооцооны үйл ажиллагааны тухай, Үнэ тогтворжуулах хөтөлбөрийг Засгийн газарт шилжүүлэх төлөвлөгөө, Дэлхийн банкны хөгжлийн бодлогын зээлийг авах нөхцөл, авах арга хэмжээ, Хөгжлийн банкны зарцуулалт, засаглалыг боловсронгуй болгох тухай, Төрийн өмчийн активын удирдлагын нэгж байгуулах тухай, Гадаад валютын дотоод захын тойм, Инфляцийн төлөв байдлын тайлан зэрэг  асуудлыг хэлэлцжээ.

Хуралдаанаас гарсан шийдвэрийн дагуу Санхүүгийн тогтвортой байдлын зөвлөлөөс холбогдох газруудад хариуцсан чиглэлээр тодорхой үүрэг даалгавар өгсөн байна.