Казахстан улс байгалийн хийн хоолойг өөрийн нутгаар дайруулах санал тавьсан байна

ОХУ-аас БНХАУ руу нийлүүлэх байгалийн хийн хоолойг өөрийн нутгаар дамжуулах сонирхол Монголоос гадна Казахстан Улсад байгаа аж. Хоёр улс байгалийн хий дамжуулахад гурван зам байгаа аж. Нэгдүгээрт Шинжааны Алтайгаас Хятадын баруун нутгаар шууд дамжуулах, хоёрдугаарт Монголын нутгаар дамжуулах,  гуравдугаарт Казахстаны нутгаар дамжуулах замууд байгаа аж.

БНХАУ-ын хувьд Монголын нутгаар дамжуулах нь ашигтай хэмээн үзэж байгааг тус улсын газрын тосны их сургуулийн профессор Пэм Чанси хэлсэн байна.Харин ОХУ-ын хувьд  Украйн, Европын орнуудтай маргаантай байгаа асуудлаас болоод гуравдагч улсад итгэх итгэл нь алдраад байгаа аж.

Энэ үеэр Монголоос гадна Казахстан улс хийн хоолойг дайруулах санал тавьсан нь асуудлыг улам лавшруулахад хүргэлээ гэж  ИТАР ТАСС агентлаг мэдээлжээ.