Газрын дуудлага худалдааны ялагчид тодорлоо

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Газар эзэмших эрх олгох тухай” захирамж гаргалаа. Захирамжаар 2015 оны 03 дугаар сарын 05-ны өдөр зохион байгуулагдсан Газрын эрхийн нээлттэй дуудлага худалдаанд оролцож ялагчаар тодорсон   нэр бүхий иргэн, аж ахуйн нэгжид тус тус 20 жилийн хугацаатай газар эзэмших эрх олгосон байна.

Үүнд, Б.Мөнх-Учрал нь дуудлага худалдаанд дуудсан үнэ болох  201 сая төгрөгийг бүрэн төлсөн тул Сонгинохайрхан дүүргийн 32 дугаар хорооны  нутаг дэвсгэр дэх  “Авто худалдааны цогцолбор” хэсэгчилсэн ерөнхий төлөвлөгөөний бүс-8-д байршилтай худалдаа үйлчилгээний зориулалттай 0.2 га газар, “Батсээр” ХХК нь дуудлага худалдаанд дуудсан үнэ болох  360 сая төгрөгийг бүрэн төлсөн тул Сонгинохайрхан дүүргийн 32 дугаар хорооны  нутаг дэвсгэр дэх “Авто худалдааны цогцолбор” хэсэгчилсэн ерөнхий төлөвлөгөөний бүс-4-д байршилтай худалдаа үйлчилгээний зориулалттай 1.2 га газрыг эзэмшихээр болжээ.

Мөн Ж.Энхболд нь дуудлага худалдаанд дуудсан үнэ болох  327 000 000 сая төгрөгийг бүрэн төлсөн тул Сонгинохайрхан дүүргийн 32 дугаар хорооны  нутаг дэвсгэр дэх  “Авто худалдааны цогцолбор” хэсэгчилсэн ерөнхий төлөвлөгөөний бүс-3-д байршилтай худалдаа үйлчилгээний зориулалттай 1.0 га газар, С.Анхбаяр нь дуудлага худалдаанд дуудсан үнэ болох  418 сая төгрөгийг бүрэн төлсөн тул Сонгинохайрхан дүүргийн 32 дугаар хорооны  нутаг дэвсгэр дэх “Авто худалдааны цогцолбор” хэсэгчилсэн ерөнхий төлөвлөгөөний бүс-2-А-д байршилтай худалдаа үйлчилгээний зориулалттай 0.6 га газрыг 20 жилийн хугацаатай эзэмшихээр болов.

Түүнчлэн хоёр байршилд ялагчаар тодорсон иргэн Ш.Эрдэнэбат нь дуудлага худалдаанд дуудсан үнэ болох нийт 790 сая төгрөгийг бүрэн төлсөн тул Сонгинохайрхан дүүргийн 32 дугаар хорооны  нутаг дэвсгэр дэх “Авто худалдааны цогцолбор” хэсэгчилсэн ерөнхий төлөвлөгөөний бүс-1-А-д байршилтай худалдаа үйлчилгээний зориулалттай 0.3 га, бүс-1-Б-д байршилтай худалдаа үйлчилгээний зориулалттай 0.3 га газрыг эзэмшихээр боллоо.