Зээл авч санхүүгийн хямралаас гарна

Манай улсын эдийн засгийн өсөлт 11.7-7.8 хувь болж буурсан.  Улсын төсвийн алдагдал 1.2 их наяд, төлбөрийн тэнцлийн алдагдал 1.4 их наяд болж нэмэгджээ.Тэгвэл гадны санхүүгийн байгууллагуудаас урт хугацааны валютын зээл авах нь энэ алдагдлыг бууруулж, тэнцвэржүүлэх гарц гэж салбарын мэргэжилтнүүд үзэж байна.

Эхний ээлжинд 800 орчим сая долларын зээл авчихвал төсвийн алдагдлыг бууруулах замаар төлбөрийн тэнцлийг тогтворжуулах, улмаар доллар төгрөгийн ханшийн зөрүүг багасгах давхар боломжтой хэмээн тооцож  байгаа талаараа Сангийн сайд Ж.Эрдэнэбат ярилаа.