Хамгийн өргөн тархсан мансууруулах бодис бол сахар
Голландын эрдэмтэд нэгэн гэнэтийн мэдэгдэл хийжээ. Тэдний баталж байгаагаар өнөө үед хамгийн өргөн тархсан мансууруулах бодисоор сахар нэрлэгдэх гэнэ.
Тиймээс сахар агуулсан ундаа бүрийн шошгон дээр “Энэхүү бүтээгдэхүүн хүний эрүүл мэндэд хортой” гэсэн анхааруулга тавих ёстой гэж эрдэмтэд үзсэн байна.
Амстердам хотын эрүүл мэндийн хэлтсийн дарга Поль ван дер Вельпен сахарт дайн зарлажээ. Тус хэлтсийнхэн сахарт ногдуулах татварыг нэмэгдүүлж, бэлэн бүтээгдэхүүний сахарын агууламжийг багасгах шаардлага тавьсан байна. Түүнчлэн эмч, эрдэмтэд сахарын хэмжээ ихээр агуулсан бүтээгдэхүүнийг хязгаарлах шаардлага тавьж эхэлсэн байна. Тэдний үзсэнээр сахар нь тамхи, архитай адил мансууруулж, донтуулах үйлчилгээтэй ч дэлхийн өнцөг булан бүрт ямар ч хориг хязгааргүй зарагддаг гэнэ.
Энэ бүтээгдэхүүн тосны адил хоол хүнсний амтанд нөлөөлж, байнга идэх хүсэл төрүүлдэг. Тийм болохоор сахарыг хүнсний үйлдвэрлэлд бараа бүтээгдэхүүнийхээ худалдан авалтыг нэмэгдүүлэх зорилгоор өргөн хэрэглэдэг.
Гэтэл хүмүүсийг сахарын хамаарлаас эмчлэх нь архи, тамхинаас салгахтай адил хэцүү аж.
