Завьт эргүүл 08:00-20:00 цагийн хооронд үүрэг гүйцэтгэнэ

Нийслэлийн Баянзүрх дүүргийн цагдаагийн гуравдугаар хэлтэс нь энэ сарын 19-ны өдрөөс эхлэн 20 дугаар хорооны “Хар усан тохой”-оос 11 дүгээр хорооны Маршалын гүүр хүртэлх Туул голын сав газруудад нэмэлт эргүүл гарган ажиллаж байгаа аж.

Мөн иргэд ихээр ирж амарч байгаа голын сав газруудад онцгой хяналт тавьж байгаа юм байна. Амарч зугаалж яваа иргэдтэй биечлэн уулзаж, гэмт хэрэг зөрчлөөс урьдчилан сэргийлэх чиглэлээр сэрэмжлүүлэг хүргэхийн зэрэгцээ онцгой байдлын газрын алба хаагчидтай хамтран 08:00-20:00 цагийн хооронд завьт эргүүлийн үүрэг гүйцэтгэж байгаа юм.