Сагсанбөмбөгийн өсвөр үе залуучуудын УАШТ болно

Монголын сагсан бөмбөгийн холбооноос 2015 оны өсвөр үе, залуучуудын улсын аварга шалгаруулах тэмцээнийг зохион байгуулах гэж байна. Спортын ууган мастеруудын нэг Л.Аюурзана агсны нэрэмжит улсын аварга шалгаруулах тэмцээн энэ сарын 29-өөс эхлэн 7 хоногийн турш спортын төв ордонд явагдах аж.

Энэ удаагийн тэмцээн хоёр насны ангилалд хот хөдөө орон нутгаас шалгарсан нийт 64 багийн хооронд явагдаж, аваргаа тодруулна.Тэмцээнээс эхний найман байрт шалгарсан багууд Монголын хүүхдийн тавдугаар их наадамд оролцох эрхээ авна.

Уг наадмаас Монгол Улсаа төлөөлөн олон улсын хүүхдийн наадамд оролцох шигшээ багийг бүрдүүлэх учраас энэ удаагийн тэмцээн өсвөрийн сагсчдын хувьд онцгой ач холбогдолтой юм.