Циркийн шинэ сургууль барихаар болжээ

Энэ сарын 23-нд Сүхбаатар дүүргийн наймдугаар хороонд байрлах хуучин циркийн /бөмбөгөр  ногоон/ барилга буюу одоогийн Циркийн сургууль шатсан билээ. Тиймээс Боловсрол, соёл, шинжлэх ухааны яамнаас Улаанбаатарт шинээр Олон улсын циркийн сургууль байгуулахаар шийдвэрлэжээ.

Одоогоор барилгын зураг төслийг Балданс ХХК-аар хийлгээд байгаа юм байна. Шинэ сургууль нь Хөгжим бүжгийн коллежийн хашаан дотор, дотуур байрны баруун талд баригдана. Барилга нь хуучнаасаа гурав дахин том, сургалтын танхимууд, циркийн манежаас бүрдсэн таван давхар байхаар төлөвлөгджээ.