Дархан аварга А.Сүхбат, бөх судлаач Н.Зоригтбаатар нар мэдээлэл хийнэ

10.00 цагт НМХГ-ын хурлын танхимд даргын зөвлөлийн хурлаар саун, бассейн, халуун усны газруудад хийсэн төлөвлөгөөт шалгалтын дүнгийн тухай, ахуйн хог хаягдлын тээврийн үйлчилгээ эрхэлж буй ААНБ-ын үйл ажиллагаанд хийсэн шалгалтын талаар нээлттэй хэлэлцэнэ. 

11.00 цагт Зууны мэдээ сонины Үндэсний мэдээллийн төвд “Эрүүл элэг” үндэсний арга хэмжээний өвчтөн, нийгмийн төлөөллийн зөвлөлөөс хөтөлбөрийг хэрэгжүүлэхэд гарч байгаа завхрал, гажуудлын талаар мэдээлэл хийнэ.

11.00 цагт Хуульчдын танхимд /Хууль зүйн үндэсний хүрээлэнгийн 3-р давхарт/ 2015 оны Хуульчийн мэргэжлийн шалгалтын тов зарласантай холбогдуулан хэвлэлийн бага хурлыг зохион байгуулна. Тус хэвлэлийн бага хурлаар Хуульчийн мэргэжлийн шалгалтын журам, бүртгэл, шалгалтын товын талаар мэдээлэл хийнэ.

12.00 цагт Монгол ньюс мэдээллийн төвд үндэсний их баяр наадмаар Хүй долоон худагт зохин байгуулах “Соёлын наадам”-ын талаар мэдээлэл хийнэ.

12.30 цагт Зууны мэдээ сонины Үндэсний мэдээллийн төвд Налайхад амиа алдсан иргэний ар гэрийнхэн цагдаагийн байгууллагын албан хаагчдын зохион байгуулалттай гэмт хэргийн талаар мэдээлнэ.

14.00 цагт Зууны мэдээ сонины Үндэсний мэдээллийн төвд Дархан аварга А.Сүхбат, бөх судлаач Н.Зоригтбаатар нар цаг үеийн асуудлаар мэдээлэл хийнэ