А.Сүхбат эрэмбээ бууруулахгүйгээр барилдана гэв
Дархан аварга Агваансамдангийн Сүхбат өнөөдөр 14 цагаас "Зууны мэдээ" сонины хэвлэлийн хурлын танхимд хэвлэлийн бага хурал хийлээ. "Цензургүй яриа" нэвтрүүлэгт оролцохдоо дархан аварга энэ жилийн наадмаар барилдахаа илэрхийлсэн. Гэвч өнөө өглөө олон нийтийн цахим сүлжээгээр түүнийг наадмаар барилдахгүй гэж шийдсэн тухай мэдээлэл цацагдаж эхэлсэн. Тэгвэл хэвлэлийн бага хурал дээр дархан аварга наадмын бөхийн бүртгэлд бүртгүүлэхэд бэлэн байгаагаа хэллээ.
"Төрийн их баяр наадам, мөн дархан аварга цолоо хүндэтгээд би улсын их баяр наадамд маргааш ч болтугай бүртгүүлээд барилдахад бэлэн байна" гэж А.Сүхбат ярилаа. Мөн тэрбээр 2004 онд улсын наадамд гурав дахиа түрүүлж, дархан аваргын болзол хангаснаа дурьдаад Г.Өсөхбаярыг 2009 онд дархан аваргын болзлоо хангасныг дурджээ.
