Хөдөө аж ахуйн бирж 8.2 сая төгрөгийн арилжаа хийжээ

Хөдөө аж ахуйн бирж өнөөдөр 8.2 сая төгрөгийн үнийн дүн бүхий түүхий эд арилжлаа. Тухайлбал, 3.8 сая төгрөгөөр 73 кг боловсруулаагүй цайвар ноолуур, 4.1 сая төгрөгөөр боловсруулаагүй 80 кг бараан ноолуур, 283 мянган төгрөгөөр 130 кг ноос арилжсан байна.

Хонины ноосны үнэ өмнөх өдрөөсөө өөрчлөгдөөгүй буюу кг нь 2180 төгрөгөөр арилжигдсан байна. Харин боловсруулаагүй цайвар ноолуур өмнөх өдрөөсөө 0.19 хувиар өсч, кг нь 52100 төгрөгт хүрчээ. Тэгвэл боловсруулаагүй бараан ноолуур өмнөх өдрөөсөө 1.18 хувиар өсч, кг нь 51620 төгрөгт хүрсэн байна. 

Г.Уянга

Olloo.mn