Э.Даваахүү Универсиадын аварга боллоо

БНСУ-ын Гванжу хотод дэлхийн оюутны Универсиад наадам үргэлжлэн явагдаж байна. Тэмцээний долоо дахь өдөр манай буудлагын эрэгтэй тамирчид багаараа мөнгөн медаль хүртээд байсан юм. Тэгвэл саяхан болсон эрэгтэйчүүдийн 10 метрийн хийн гар бууны төрөлд Э.Даваахүү алтан медаль хүртлээ. Тэрбээр  575 оноогоор шигшээ наймд шалгараад байсан бөгөөд финалд амжилттай буудаж алтан медаль хүртлээ. Түүний хувьд Монголын буудлагын тамирчдаас Универсиад наадамд түрүүлсэн анхны тамирчин болж байгаа юм.