Урд хөршид шувууны томуугийн вирус илэрчээ

БНХАУ-ын Юанань аймгийн Шангрила хотын иргэн 37 настай, эмэгтэй энэ сарын 6-нд халуурч, ханиалгаж эхэлжээ. Улмаар долоодугаар сарын 9-нд эмнэлэгт хандаж, 10-нд нас барсан байна. Өвчтөнөөс цуглуулсан сорьцод шувууны томуугийн H5N6 вирусийн халдвар тогтоогджээ. Тус улсын Засгийн газраас тандалтыг идэвхжүүлж, сорьц цуглуулан шинжилж эхэлсэн байна.