Газраа зориулалтаар нь ашиглаагүй 478 иргэн байна

Нийслэлийн нутаг дэвсгэрийн газар ашиглалтын байдалд хяналт тавих үйл ажиллагааны хүрээнд Нийслэлийн өмчийн харилцааны газраас эзэмшиж, ашиглаж буй газраа 2 ба түүнээс дээш жилийн хугацаагаар зориулалтын дагуу ашиглаагүй иргэн хуулийн этгээдийн судалгааг дүүрэг тус бүрээр гаргаж байна.

Одоогоор таван дүүрэг дээрх судалгааг бүрэн гаргаж дуусчээ. Судалгааны урьдчилсан дүнгээр таван дүүрэгт хуульд зааснаас дээш хугацаагаар газраа ашиглаагүй 478 иргэн, хуулийн этгээд байна гэсэн тооцоо гарчээ.