9 сарын нэгнээс өрхийн эмнэлгүүд шээс, цусны шинжилгээ хийдэг болно

Иргэд ирэх есдүгээр сарын 1-нээс өрхийн эмнэлэгтээ цус, шээсний шинжилгээ өгдөг болно. Одоогоор 142 өрхийн эмнэлэгт шинжилгээний аппаратыг суурилуулан, иргэдэд үйлчлэх бэлтгэлийг хангасан байгаа бөгөөд өрхийн эмч нарыг ч аппараттай ажиллах, шинжилгээ авах хэд хэдэн удаагийн сургалтад хамруулжээ.

БНСУ-аас төслийн хүрээнд оруулж ирсэн шинжилгээний аппарат нь иргэдийн цаг хугацааг хэмнэсэн олон үйлдэлтэй гэгдэж буй.

Энэ үйлчилгээг нэвтрүүлснээр иргэд шинжилгээнийхээ хариуг авахаар заавал эмнэлэгтээ ирэх шаардлагагүй болно. Шинжилгээний хариуг тусгай цахим хуудсаар орж, нууц дугаараа хийн авч болох бөгөөд цаашид хоолны дэглэм, эм тариа, зайн эмчилгээний мэдээллээ ч хамт авах боломжтой болох ажээ.

Г.Уянга

olloo.mn

0 Сэтгэгдэл
Inline Feedbacks
View all comments
Back to top button