Зөрчлийн 100 оноо дуусвал жолооч та эрхээ хасуулна

Замын хөдөлгөөний аюулгүй байдлын тухай хууль маргаашнаас хэрэгжиж эхлэх талаар бид жолооч нартаа сануулсаар байгаа. Учир нь энэхүү хуульд жолооч нарт зайлшгүй тайлбарлах ёстой шинэ заалтууд нэмэгдэж орсон. 

Үүний нэг нь жолоочийн зөрчлийн оноо юм. Хуулийн дагуу жолооч бүр “Зөрчлийн 100 оноо”-той болох бөгөөд зам, тээврийн ямар нэгэн зөрчил гаргах үед энэхүү онооноос нь хасагдах аж. Ямар зөрчил гаргаснаас хамаарч 10-50 оноо хасагдах бөгөөд зөрчлийн оноо нь хугацаагүй юм байна. Оноо нь дуусвал жолооч жолооны эрхгүй болж, дахин жолооны шалгалт өгөх аж. Гэхдээ зөрчил гаргаад түүнээс хойш нэг жилийн хугацаанд тухайн жолооч дахин зөрчил гаргаагүй бол хамгийн сүүлд хасуулсан зөрчлийн оноог нь буцаан олгох зарчимтай юм байна. 

Жолооч зам тээврийн осол гаргавал шууд 50 оноо, тухайн тээврийн хэрэгсэлд тохирох ангиллын үнэмлэхээ биедээ авч яваагүй бол 20 оноо, тээврийн хэрэгсэл жолоодох эрхгүй этгээдэд жолоогоо шилжүүлсэн тохиолдолд 10 оноо, мансууруулах бодис, сэтгэцэд нөлөөлөх эм, бэлдмэл хэрэглэсэн хүнд жолоо шилжүүлбэл 20 оноо хасахаар болжээ. Түүнчлэн, тээврийн хэрэгслийн тусгай дуут дохио, гэрэл ашиглахтай холбоотой хууль, тогтоомж зөрчсөн бол 30 оноо, замын цагдаагийн тавьсан шаардлагыг биелүүлээгүй тохиолдолд 10 оноо хасч давхар торгуулийн арга хэмжээ авах аж. 

Өглөөний сонин
0 Сэтгэгдэл
Inline Feedbacks
View all comments
Back to top button