Хуульд нэмэлт өөрчлөлт оруултал 8 хувийн зээлийг түр зогсоохоо мэдэгджээ

Үндсэн хуулийн Цэцээс Үл хөдлөх эд хөрөнгийн барьцааны тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 15 дугаар дүгнэлтээ Үндсэн хууль зөрчсөн гэсэн гэсэн шийдвэрийг гаргасан. Үүнтэй холбоотойгоор улс төр, төдийгүй ард иргэдийн дунд бухимдал үүсээд буй. Үүнтэй холбоотойгоор УИХ дахь Ардчилсан намын бүлэг, МАХН-МҮАН-ын “Шударга ёс” эвслийн бүлэг хамтран мэдэгдэл гаргалаа.
Тэрхүү мэдэгдэлд, Үндсэн хуулийн цэцийн дүгнэлтийн тухай Монгол Улсын Үндсэн хуулинд тунхагласан иргэн өмчтэй байх, өмчлөгчийн эрхийг хуулиар хамгаалах зарчмыг ардчилалын үнэт зүйл хэмээн Улсын Их Хурал дахь Ардчилсан намын болон МАХН-МҮАН-ын “Шударга ёс” эвслийн бүлгийн гишүүд бид үзэж байна.
Иргэний болон Үл хөдлөх хөрөнгийн барьцааны тухай хуулийн зарим зүйл заалт Үндсэн хууль зөрчсөн тухай Үндсэн хуулийн цэцээс гаргасан дүгнэлтийг Улсын Их Хурал дахь Ардчилсан намын бүлгийн гишүүд, МАХН-МҮАН-ын “Шударга ёс” эвслийн гишүүд Үндсэн хууль зөрчөөгүй гэж үзэж, хүлээж аваагүй болно.
2015 оны 12 дугаар сарын 10-ны өдөр Монголын банкны холбооноос Үндсэн хуулийн цэцийн дүгнэлтээр хүчингүй болсон уг хуулийн холбогдох заалтуудыг Улсын Их Хурлаар шинэчлэн батлагдах хүртэл орон сууцны 8 хувийн зээлийг иргэдэд олгох боломжгүй тухай мэдэгдлээ. Үндсэн хуулийн цэцийн дүгнэлтээр хүчингүй болсон Иргэний болон Үл хөдлөх ххөдлөх хөрөнгийн барьцааны тухай хуулийн зарим зүйл заалтыг шинэчилж, орон сууцны 8 хувийн зээлийг үргэлжлүүлэн явуулах боломжийг хангасан, мөн гэр хороололын иргэдийн хашааны газрыг өмчлүүлж, эдийн засгийн эргэлтэд оруулах тухай хуулийн нэмэлт, өөрчлөлтийг Улсын Их Хурал дахь Ардчилсан намын болон МАХН-МҮАН-ын “Шударга ёс” эвслийн бүлгээс хамтран санаачилж нэн яаралтай Улсын Их Хурлаар батлуулахаар шийдвэрлэсэн болохыг мэдэгдэж байна" гэжээ.
Тэгэхээр цэцийн дүгнэлттэй холбоотойгоор банкуудын эзэд найман хувийн зээлийг түр олгохгүй гэдгээ мэдэгдэж, харин дээрх нөхцлийг хангасан хуулийн шинэчлэлийг хийхээ тус намын бүлгүүд ийнхүү илэрхийллээ.
Olloo.mn